مشاركتي الثانية في مجلس الشيخ أبالعلا

يا هاجسي عطني جزيل المثايل= وافرش بساط الشعر بأجمل زلوله
يابا العلا جيتك مشارك وقايل= مقولة ٍ وانعم بها من مقولة
نبي نشارك بالقصيد الحمايل= اللي لهم بالمجد صولة وجولة
اللي تسوي بالخصوم الهوايل= الاسم هيلا والفعايل مهولة
ماهي قبيلة لا وربي قبايل= وفيهم رجال ٍ بالمواقف زحولة
لاحال دون معاملتك ألف حايل= نشد عن العتبان تلقى حلوله
في دربهم تسهل جميع المسايل= أصعب قضية لاتخاف محلولة
عز القبيلة يوم قدح الفتايل= ترجع عداها واليدين مغلولة
ياما خذوا قب المهار الأصايل= يومن كل ٍ يظهرنه فعوله
عدوهم يصلي بحام الملايل= ورفيقهم مايشتكي من ملوله
لو أبعدد فعلهم والخصايل= ماينحصي بالحول لو دار حوله
واليوم من فضل الله الظلم زايل= واللي نبي باسهل طريقة ننوله
في عهد من للشعب مثل المخايل= غيث ٍ لشعبه والجميع اشهدوا له
مانشتكي من حرها والملايل= ولانشتكي من هم ذولا وذوله
مافيه ذا عدل ٍ وهذاك مايل= كل ٍ سوى مافيه قصرة وطولة
والله يعز اللي للاحمال شايل= اللي بنى في قمة المجد دولة
هذا و ا نا من ماضيين الفعايل= والناس ماهي بالفعايل جهولة
من ساس حرب معد لة كل عايل= وبني علي ربعي ونعم الحمولة
حبيت اشارك بالشعر والمثايل= اهل الوفاء والمجد واهل البطولةالشاعر مقبل فنخير بن سبيل الحربي