مطلوب شااااااااعر

سلام لاهل الشعر والمنطق الراقي=ولاهل الوفا والمعزه دوم ارددها

من بعض الاحداث صدري ياعرب ضاقي=اشوفها مير وين اللي ينقدها

صح لسانك يالمعتصم بالله..

وبيض الله وجهك..

وفي انتظار شاعر اخر للرد..

دمت مبدعا..

أخوي عبدالله الجذع

صح الله بدنك ووجهك أبيض

يسعدني مرورك وشرواك

دام البقأ من رفيق ٍ ما بعد ضاقـــــي=واللي سواتك فهيم ٍ لأ يعددهـــــا

يا ضايق الصدر روق قدم ترواقــــــي=دنياك هاذي عسى الله ما يعقدها

المعتصم بالله صح السانك

ماله امان صح السانك

الله الله واصلو

يا مرحبا من عميلٍ غير بواقي=ياكيف يا صاحبي نقدر نجددها

لو ضاق يا صاحبي تراه ماانعاقي=ودنياي انا عارفٍ وشلون اجاهدها

مساعد العضياني

صح الله بدنك يا الغالي

متابعتك تسرنا

الله لليــــــــــــــــــــل ياليــل

إلا ذا الدنيــــــــــا

يرتاح راقـــــــدهــا

واصـــــــــــــــــــــــــــــــــــــــــــــــ ـــــــلو الله يعافيكم

اتقولها وانت مثلي منت طرباقــي=تعرف مقابض عرب وانته مسندهــا

الهرج يكثر ومي البدو في ساقـي=لو زانت المردمه والناس تاردهــــــا

الطيّب ادوره ولهرجه اشتاقي=واهل الردى لا حشا ماني بناشدها

شفت السحابه وفيها البرق شعاقي=وارض العرب بالمطر يارب تسعدها

راع البلها

صح لسانك

وسلمت ولاهنت

هاذي صفات ٍ رفيعه وانت عملاقــي=احفظ صفاتك وخلك فوق مرقدهــا

لكن بعض السحايب نوها فاقـــــــي=من غير ما نذكر احبال ٍ نوردهـــــــا

انته بعد يمك الفنجال ينساقي=حافظ عليها مع الأيام جودها

انا عطيتك علومي وانت وش لاقي=ياشاعر الملعبه ماني مفندها

عينت طير ٍ يحوم وصار خفاقــــي=عساه يرجع من الجيان بعمدهــا

كم واحد ٍ من عيال الترك ما ذاقي=من خيرها والعرب تجحد موالدهـا

يعود والا عساه بالف طقاقي=وهذي قضيه وضاع اليوم شاهدها

تحيتي سقتها من داخل اعماقي=للصاحب اللي جزيل الهرج يوردها

تصبح على خير والختم عندك

المعتصم بالله : صح لسانك يالمبدع .

ماله أمان : صح لسانك وردودك وافية .



تقبلوا مروري.



أخوكم/ قادح شرار.

قادح شرار

صح بدنك وما عليك زود يا الغالي

متابعتك تسعدني

وانت من اهل الخير0

لا هانوا الاخوان المتابعين

والشكر موصول للاخ قاااااادح شراااااااار،،،،،،،،،