أقرب عتيبي يالربع أبناقش معه قضية

سلام الله على العتبان واللي يغلي العتبان=عدد برقٍ من المنشا يلوح وهلت مزونه
أنا شاعر وأبي شاعر حكيم يطوع القيفان=ولا أبغى اللي ليا جات المواقف يقلب عيونه

هلا يا مرحبا ترحيبة العتبان بالمطران=أقوله في محلٍ ما يخجّل من يزورونه
وصلك الشاعر اللي يازن الكلمه على ميزان=و لا والله يجيك بكلمةٍ ما هي بموزونه

يدوم ألك البقاء يالصاحب اللي تكرم الضيفان=ولا به شي مستغرب وعز الراس بمتونه
أنا بنشدك عن عودٍ خبيث يولع النيران=يحسب أنه مسوي خير أبو نيات ملعونه

لك الله ما عليكم زود في ما قلت لي يا فلان=أنا احبّ الوفا و احبّ كل اللي يحبّونه
ما اجيك بعلم مرّه عن هذاه العود ابو دخان=ترى ما نعرفه يا مطير كان انكم تعرفونه

ليا منك بغيت العلم أجيبه وافيٍ مليان=أبي كل العرب يابن فلاح العلم يوحونه
قبل مده يولعها ما بين مطير والعتبان=وهاللحين أطرد من ديرة الشعار فرعونه

طيب طيب :) واصلوا وحنا متابعين

مرحبا بالشلاحي ..

وصح لسانك ياعلي العضياني

صح لسانك ياشلاحي وصح لسان ابو فلاح

واصلووو وانا متابع

صحت الألسن والقلوب ..

محاوره قويه وعنى جميل وهادف..

ألف شكر لكم جميعا..

متابع..

واصلوا متابعين

ذيب الشيباني

متابعتك شرف لنا

العود أبو موس


الله يبقيك ويبارك فيك

الذيب

صح بدنك ومتابعتك شرف لنا

عبدالله الجذع

صح بدنك وشهادتك نعتز بها

ومتابعتك شرف لنا

ناصر عتيبة

متابعتك شرف لنا وإنشاء الله مافيه لكاعه

يا هلا ويا مرحبابك يا مشاري بين أخوانك من قبيلة عتيبة , ومنوّر بطلتك يالذيب .

أنا بنشدك عن عودٍ خبيـث يولـع النيـران === يحسب أنه مسوي خير أبو نيـات ملعونـه

ههههههههههههه , .

قبل مده يولعها ما بين مطير والعتبـان === وهاللحين أطرد من ديرة الشعار فرعونه

فعلا ً هو المتربع برأس الهرم .

ترى ما عندهم غير الفتن و الزور والبهتان=و لا عاقل يصدّق فالكلام اللي يقولونه
ترى البيت اللذي يا صاحبي فيه الكريم يهان=لك الله لو يطول الوقت ما يعتزّ بركونه

ذيب الشيباني



شكراً لمرورك الكريم

الذيب


صح بدنك يالغالي

العود ابو موس



شكراً لمرورك طال عمرك

ناصر عتيبه



صح بدنك طال عمرك

قادح شرار



تسلم على المرور والاطراء

عبد الله الجذع



تسلم يالغالي على مرورك ولا هنت

ياسلام ياسلام



الفالح مبـــد ع قليلــه في حقك

الشلاحي موضوع جميــل



صحت اللاسن

أبو فلاح المعذرة والله توي مسجل الدخول



حقيقة من يجاريهم بهذي المعركة خسران=عساها ما تعود أيام هاك العود وضعونه
أنا من فعلته دمي طبخ في داخل الشريان=يحط السم لضيوفه يابن عاضي في ماعونه

خالد المقاطي


صح لسانك طال عمرك

قادح شرار

الله يبقيك ويطول عمرك وأنا بين أخواني مافيه شك

تقبل إحترامي وتقديري

خالد المقاطي

صح بدنك وبيض الله وجهك على المرور

تقبل إحترامي وتقديري

ورى وقتٍ مضى ما قلتها ... توّك صحيت الآن=ترانا العام واليومه نشوف اللي تشوفونه
تصيح لربعك المطران فالحرّه وفالصّمّان=تقول مطير ربعي تاج راسي لا تخلّونه

أحسبه يالعتيبي يقضي المديون والديان=وشيٍ نفعله حنا ترى مثلي تسوونه
لكن اليوم شفنا بالعيون الذل والحقران=وشفنا شاعر السبعان حقه كيف يهفونه

ترانا ما خسرنا مثلكم والعلم له برهان=و راس المال من بعد الخساره ما تردّونه
ترى هذي عليكم مثل قصّة طير ابن برمان=سمعت انّ اكثر المطران من ماصار مديونه

أنا أضن الجلاوي ياعلي مايعزم العضيان=وأنا أعرف شي أضن عيال عاضي ما يعرفونه
خذينا قسمنا غصبٍ على الراضي مع الزعلان=لكنك حجتك عميا تمشط راس مجنونه

ترانا ما خسرنا مثلكم والعلم لـه برهـان
و راس المال من بعد الخساره ما تردّونـه



الله اكبــر :)



ترى هذي عليكم مثل قصّة طير ابن برمان
سمعت انّ اكثر المطران من ماصار مديونه




ههههه




الله الله ولازلنا نتابــ ع الابداع

أشوفك قمت تغلط بالكلام وتطمر الجرفان=يا طيب اللي ليا منّه مشا يمشي على هونه
لا والله حجّتي كل الرجال إلها شهود أعيان=والاعمى يوم يمشي ما يشوف الدرب بعيونه

علي العضياني

صح لسانك وبيض الله وجهك تشرفت باللعب معك

والمعذرة منك ومن عتيبة كافه لن حصل مني قصور

والختام من عندك


أنا رجال هرجي دايماً من غالي الأثمان=لك الله ما نقدم هرجةٍ ماهي بمضمونه
عليك البيض يا شاعر عتيبه من قلب ولسان=وأقول أكرمكم الله وأن غلط ضيفك تعذرونه

ورى وقتٍ مضى ما قلتها ... توّك صحيت الآن
ترانا العام واليومه نشـوف اللـي تشوفونـه
تصيح لربعـك المطـران فالحـرّه وفالصّمّـان
تقول مطير ربعـي تـاج راسـي لا تخلّونـه


الله الله عليك


مبدع بقوووة

يابوفلاح صح لسانك مليووووون


وصح لسان الم
المطيري


مبدع لاهنتواااا

سعود العصيمي

صح بدنك وبيض الله وجهك على المرور

تقبل تحياتي

صح بدنك يا سعود ولا هنت يابو طايل

مشاري الشلاحي


تشرفت و استمتعت بمجاراتك طال عمرك

مشكور و بيض الله وجهك


تحياتي

....
.

الله على الابداع واهله ..
صحت السنتكم وبيض الله وجيهكم ..
... شعراء كبار ولعبكم مميز ...

ابو محمد



المميّز والله حضورك طال عمرك

صحت الألسن


شعراء مبدعين



ازكى تحياتي

صح بدنك يابو جرووود طال عمرك

ما اجيك بعلم مرّه عن هذاه العود ابو دخان
ترى ما نعرفه يا مطير كان انكم تعرفونـه
؛؛

ههههههههههههههههههههههههه
هههههههههههههههههههههههههه




اجحيييييييد



ابو فلاح



مافيك حيله مررره



صح لسانك ملايين




وصح لسانك يالمطااااري




تحياتي لكم جميع

عبدالله الحربي

صح بدنك وبيض الله وجهك على المرور

تقبل تحياتي

مقعد الدغيلبي

صح بدنك وبيض الله وجهك على المرور

تقبل تحياتي

مقعد الدغيلبي




صح بدنك يالغالي و مشكور على مرورك طال عمرك