سلام رديه جديده

من دون تحديد


سلام رديه جديده ما دخل فيها ردا=تشمل جميع الحاضرين من العرب والا العجم
لا والله الا جاكم النمر السريع اليا عدا=محدٍ يرده من طريقه نعنبوا جده هجم

يامرحبا بك يالمسلم ..مار وش هذا الندا.؟!=انته بدار مومنه ما انته بدار أهل الصنم
اليا عدا وليا قعد ثنتينها ماله جدا=شكره على اللي بالحزام اللي يسده محتزم

الله الله

شعار من العيار الثقيل

واصلوا واصلوا

مرحبا يالملاح

دام البقا واهل التهور لجوا مع اول صدا=وان كان ما تقرا كتاب الله تحملت الاثم
لا والله الا معثيٍ بكبارها قدم الجدا=وانته تعاين بالعيون اللي عسى ما تنلطم

حياك الله يا مرجح الميزان واللعب معك يشرفنا

احمد الملاح ما عليك زود

أثرك صدى وأنا أحسب انك من بعيدين المدى=احسب حساب الكلمه اللي خطها راس القلم
أنته تطمع بالعشا وأنته من حساب الغدا=وان قلت لي أحلف قسم.. ماني بقايل لك قسم..!

البقا والله يابن العم والشرف لي

الله الله

ياسلام ياسلام

قاف عنيف

صحت السنتكم استمرو ونحن متابعين للمتعه

الله الله



طاروق وشعار من الوزن والعيار الثقيل



واصلوا ياشعار

الزهراني والنشاب مرحبا مليون


وحي هالمتابعه

بعض العلوم انسجها ما همنا راحت سدا=وبعض العلوم انردها في حلق راعيها سهم
اسوقها للمقبله واغني الحون الحدا=من عقب ما جونا الرجال اللي يصونون الذمم

محمد الزهراني

النشاب

اهلا وسهلا

ماهي غريبه لو يجينا من طرفكم منقدا=أهل الاباعر ما يعاندها ياكود أهل الغنم
ان كان جوكم يالعتيبي لا تطب المسجدا=صل الصلاه فمرقدك والصبح سلم واستلم

من مد نص الكف .. انكيل له كيل العدا=هذي عوايد ربعي اللي طيبهم طيب الشيم
اقول لك هرجه تسمّعها ..تراها لك هدا !!=الاربعه ما سدتك لازم نتمّمها تمم ؟!

الله الله متابع لنهايه الطاوق واصلو واصلو

:)


ربعي وربعك كلبوهم فالمواقف ..مبتدا=لو الشجيع اللي عيونه شوفها دايم قدم
الأربعه لو انها من فعلكم قلنا فدا=مار الدعيع خابرينه حارس ..ألا فالقدم

سند تشرفت بمجاراتك والأخير عندك وتصبح على خير

صح لسانك

ما عليك زود

وتصبح على الف خير