المعتصم بالله ..أقرب..

أبـتـدي بالســلام وسـنـة نـبــتــدي بـه=لن نصـيت الرجال أثني عليهم سلامـي

كـل رجــال لايـمـكـن يـحــب الغـلـيــبـه=شرق والاجنوب وغرب وأن رحت شامي

هلا يا احمد وابرك الساعات والمعذرة ما شفت طلبك الا هالحين استلم




مرحبا والمسلم واجب اني اجيبه=مرحبا بك وترحيبي بمبدا كلامي

كان عندك جديد اليوم يا احمد تجيبه=مانبالك غليبه مير شد الحزامي

الله يكرمك ويسلمك يالمعتصم بالله ، وعذرك سمين.


أستلم الله لايهينك




البقا ياالعتيبي دون شك وريبه= وأنت معروف وأسمك من كبار الأسامي


عندي العد يروى ماه كامل شعيبه=ماء قـراح ويري كـل من جاه ضامي

كل ما شفت من ربعي شجيع انتخي به=وانت يا احمد اشوفك صرت فارس ورامي

راعي البندقيه قوم حدد ضريبه=بيني وبينك وعطني جديد العلامي

الله الله


ثنـــــائي جميل :)

أنت ياالمعتصم فارس ولاهي غريبه=مايخوض المعارك غير فارس نضامي



الـهـدف لن رميـته بأذن ربي لصـيبه= هـذا شيء مهـم أشوفـه أنا لازامي

سلطان الأسطوره



الله يجمل حالك



ويكرمك



تحياتي

كل طيب تشوف الناس فعله وطيبه=وانت ماصرت فارس ..باقيٍ حول عامي

شد حيلك وانا ابا اراقب اللي تجيبه=وانتبه لا تصدرهن مازالن حيامي

شكراً يا الاسطورة

تحياتي

اعتذر عن أتمام المحاوره لوجود ضرف طاري، وشكرا




فيك يالأجودي ميزه غريبه عجيبه=متجازى بمعروف ياهذا التهامي


والغريبه يوم أنك من قبيلة عتيبه=من قبيله لها مـجـد تليد وسامي

ههههههههه

اشكرك يا احمد وانت شاعر ما فيه كلام بس حبيت نسخن الجو شوي

والشك زايل يا ولد العم ..

احترامي وتقديري

احمد بن حامد الزايدي


أبتـدي بالسـلام وسنـة نبتـدي بـه=لن نصيت الرجال أثني عليهـم سلامـي

كـل رجـال لايمكـن يحـب الغليـبـه=شرق والاجنوب وغرب وأن رحت شامي

المعتصم بالله


مرحبا والمسلم واجب انـي اجيبـه=مرحبا بك وترحيبي بمبـدا كلامـي

كان عندك جديد اليوم يا احمد تجيبه=مانبالك غليبه مير شـد الحزامـي


احمد بن حامد الزايدي


البقـا ياالعتيبـي دون شك وريبـه=وأنت معروف وأسمك من كبار الأسامي

عندي العد يروى مـاه كامـل شعيبـه=ماء قراح ويري كل من جـاه ضامـي

المعتصم بالله


كل ما شفت من ربعي شجيع انتخـي بـه=وانت يا احمد اشوفك صرت فارس ورامي

راعـي البندقيـه قـوم حـدد ضريـبـه=بيني وبينـك وعطنـي جديـد العلامـي

احمد بن حامد الزايدي


أنت ياالمعتصم فارس ولاهي غريبـه=مايخوض المعارك غير فارس نضامي

الهدف لن رميته بأذن ربي لصيبـه=هذا شيء مهم أشوفه أنـا لازامـي


المعتصم بالله


كل طيب تشوف الناس فعلـه وطيبـه=وانت ماصرت فارس ..باقيٍ حول عامي

شد حيلك وانا ابا اراقب اللـي تجيبـه=وانتبه لا تصدرهـن مازالـن حيامـي



احمد بن حامد الزايدي


فيك يالأجودي ميزه غريبه عجيبه=متجازى بمعروف ياهذا التهامـي

والغريبه يوم أنك من قبيلة عتيبه=من قبيله لها مجد تليـد وسامـي