الـــوســـــــــــــــــــام الـــغـــــــــــــــــــــالـــــي

هذه القصيدة بمناسبة الانتهاء من تصميم شجرة نسب ذوي الشاعر الشيخ / مرزوق بن سهو بن حبيجان المغيري العتيبي رحمه الله رحمةً واسعة

(الــــــــــوســــــــــام الـــــــغـــــــالـــــــي)



الشجرة اللي ضلها ضلٍ ضليل = شجرة وفاء شجرة عزيزين المقام

شجرة سلايل عودٍ يفك الدخيل = من جاه ينخى ينجلي عنه الظلام

فارس يعشي القوم هم والحنثويل = يمناه تدرك للعشاء صيده جسام

بمسلباتٍ لا يبيت ولا يقيل = الناس تشهد والحجر وايضا العدام

اللين ميزه له مع الفعل الجليل = عون الضعيف اللي تكدر فالمنام

أهل الضعوف أهل السخاء أهل الجميل = نصف العرب في كفلهم يلقى طعام

الجمع حول بيوتنا ماله مثيل = مرزوق وعياله مصلحة الجهام

روس العرب حنا مرويت الصقيل = حنا هل القالات في وقت الزحام

يوم أكثر العالم لاصيت ولا حصيل = يشهد لنا التاريخ جودنا الزمام

تشهد لبو ناجي أم الخصر النحيل = تشهد على ماذكر قشعه بالتمام

للبندق المشهوره بقشعه خليل = مرزوق وعياله مثل ذاك الحسام

فعل بها فعلٍ من غيره مستحيل = سبعه من الغزلان تردي فالعسام

في مبطحن واحد فعل فعلٍ ثقيل = حفل على العربان لوح بالسنام

واليا استذارن يركض ويصهل صهيل = ماينثني عنهن معه عزم وحزام

واعياله اعياله معاديهم ذليل = يمشي معاديهم وفي خشمه خطام

كم شيخ قومٍ من مبارزهم هبيل = القرم اليا حضرو تجيه أم العظام

أفعولهم فخراً لنا تشفي العليل = أفعولهم ماهيب اقاويل وكلام

عسفت صعبات البيوت وجا الجزيل = في مدح من يستاهل(لغالي الوسام)

والمعذره ياشجرة الضل الضليل = شجرة هل القالات للشتد الخصام

وصلاة ربي عد همال المخيل = واعداد خلق الله فالبيت الحرام



الإبــن الـبـار الـشـاعـر/ جــازي بــن مـفـرح بــن نـاجـي الـعـطـاوي (حــــاوي الـــطــيــب)

صح لسانك ياغالي ..

ابداااع وجماليه مميزه .. وننتظر المزيد ..

تحيتي
...

صح لساااااانك ياحوي الطيب


يستاهلون يستاهلون المدح

اخواني الكرام محمد ، بندر الله لايهينكم وتحيتي لكم


أخوكم : حاوي الطيب

الـشـاعـر/ جــازي بــن مـفـرح بــن نـاجـي الـعـطـاوي (حــــاوي الـــطــيــب)

صح لسانك مليووون

يابن سرحان صح بدنك ملايين ياطيب الساس واعتلا شانك



أخوك / حاوي الطيب

والنعم بأبناء الشيخ مرزوق بن سهو بن حبيجان (أبا الضعوف)


حاوي الطيب شكرا لك على هذا القصيدة الجزلة ننتظر جديدك