مـــــــرحـــــــبا يالشطيطي فالليال الفظيله ,,,
طلال ناشي02-Sep-2009, 12:41 AM
كل عام وأنت بخير يازياد*********
عدما غردت فوق الغصون القماري = مرحبا يالشطيطي فالليال الفظيله
الحرس كلبوهم معلنين الطواري = والوعد باقيله فوق عشرين لليله
زياد المزرمي02-Sep-2009, 12:50 AM
وانت بصحه وسلامه يابو ناشي
عد ما شب للضيفان فالدار ناري = البقى يالعميل اللي ينادي عميله
الحرس فوقك ولاهم بعند المطاري = يوم كلٍ وله بين الاوادم حصيله
محمد النخيش02-Sep-2009, 01:31 AM
الله الله
يابو ناشي على البدعه الجهنميه
صح لسانك
وصح لسان زياد الشطيطي
لاهنتو
وصح ألسنتكم جميع
طلال ناشي02-Sep-2009, 01:33 AM
عقب رديت بدع القاف والليل ساري = واحلالاه لون المساري طويله
أنت مالله ومرك أدور أنسان غاري = دايمٍ وأنت راع الحاجه المستحيله
طلال ناشي02-Sep-2009, 01:43 AM
محمد غاااازي
شـــــــــكراً
لكــ على المرور الكريمـ
وصح بدنك لك تقديري وحترااامي
زياد المزرمي02-Sep-2009, 01:44 AM
فالمساء ياطويل العمر ولا النهاري = من يمد الجزيله جاه رد الجزيله
كيف عنك ابجنب وانت فالدار جاري = حاجةٍ ما غوتكم يا وجيه القبيله
زياد المزرمي02-Sep-2009, 01:48 AM
صح بدنك يابو غازي
ومشكور على المرور العطر
طلال ناشي02-Sep-2009, 02:23 AM
جعل فيك أبركة ياللي على الطيب ظاري = كان ماوفيتهالي عيشتك ويش هيله
أنت منته بناسٍ جار أبوي المطاري = كل مافاظ حمل الريع شاله شليله
زياد المزرمي02-Sep-2009, 03:17 AM
وسط سوق الغلا ويش انت بايع وشاري = ماش جهدٍ يشيلك والدراهم قليله
دام رديتها فالحثل عوّد جباري = واحسبنك قبل هاذي بدربك دليله
طلال ناشي02-Sep-2009, 03:55 AM
أنت تدري وأنا ياصاحبي عنك داري = لويجي في كلامك لفةٍ وتحويله
مالك ألا المشوك من فميَ السواري = لاتطق الزناد ولاتشب الفتيله
زياد المزرمي02-Sep-2009, 04:05 AM
كل من لد في هرجك يابن روق زاري = ولا انا اوزن كلامي وإلي خطوه ثقيله
فمك جينا نسده كان فالراس طاري = والله اعلم بغيب اللقمه اللي تجيله
طلال ناشي02-Sep-2009, 04:22 AM
لاتماري يابوصالح وفيك المواري = أنت منت بولد عباد زيد العظيله
كل ماجتك مني ياشطيطي كباري = جيتني بالعلوم اللي لهلها فشيله
محمد الكبير02-Sep-2009, 04:23 AM
واللــــه مبــــــــــــدعين
وصح لسانك باأبوناشي
وصح لسانك زياد
وتقبلوا تحياتي
طلال ناشي02-Sep-2009, 04:27 AM
صح بدنك يامحمد
الابداااع مروركـ الكريمـ
لك كل التقدير والاحترااام
تحيااااتي
زياد المزرمي02-Sep-2009, 04:31 AM
جيتنا مستتر لاكن عودت عاري = والسبب يوم زدتو فوقها زنجبيله
العرب يفرقون الفرت عند السفاري = في نظرها وعرف الراس مافيه حيله
صح اللسانك يابو ناشي
ولاهنت على هالمحراف
فامان الله
طلال ناشي02-Sep-2009, 04:58 AM
صح بدنك
ولاهنت على المجاراه الممتعه
لكـ كلـ التقدير ولاحترامـ
هاوي الطرقة02-Sep-2009, 05:19 AM
مشكور ياخوي طلال على الطاروق الجميل
وصح لسانك ولسان زياد الشطيطي
طلال ناشي02-Sep-2009, 05:24 AM
هاوي الطرقه
حياك الله وصح بدنك
ولاهنت على مروركـ الكريمـ
تقبل تحيااااتي وتقديري
قادح شرار02-Sep-2009, 09:05 AM
طلال ناشي02-Sep-2009, 06:57 PM
سعد بن عون02-Sep-2009, 07:21 PM
صح لسانكـ ياطلال
وصح لسانكـ يازياد
وتقبلوا مروري
مبدعين
طلال ناشي02-Sep-2009, 07:49 PM
هلا وغلا ياسعد
يشرفنا مروركـ الكريمـ
وصح بدنك
لك كل التقدير والاحترااام
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
