الــــــشـعــــر يحتـضــر

الناظر لحال الشعر في هذه الايام يرى العجب العجاب سراقات وصفقات وشعراء يكتب لهم من خلف الكواليس وشعراء صنعهم الاعلام وأن كانت صناعتهم من ورق الا أن لهم جمهورهم الغفير

هب الهبوب وتو ماهاجسي فــــــاق .....
ورتاح بالي بعدماكنت مضيــوق
وعلقتلي في دوحة الشـعر معــــلاق .....
شعر على المعنى ولاهو بمبيوق
أبلقي الدعوى على روس وأعــنـاق.....
طير اللحن والذوق بيدين مخلوق
صاده بعد ماحطله شمع لصــــــــاق.....
لايعرف الصيده ولايفهم الذوق
وسط القفص دزه بلا عفو وشــــفاق.....
وده يجر اللحان والصوت مخنوق
وده يفك الباب لكن ما طــــــــــاق .....
يرثا لحاله بعد ماصار مزنوق
هذا الشعر مابين شاري وســـــراق.....
لعادله نكهه ولايقبله ذوق
صار الشعر مثله مثل باق الاطبــــاق .....
لاذيق مشويه ولا ذيق مسلوق
ياأهل الشعر نبغى معاناه وأشواق.....
شيٍ من الواقع مثبت وموثوق
وأهل الجرايد نشتكي ضيم الأوراق.....
شعرٍ بها ياناس ماهو بمطيوق
شعرٍ على الأوراق ماعاد يـــــــراق.....
لاتقبله برقا ولا تقبله روق
ولا كل نورٍبالدجى لاح بـــــــــراق .....
ولاكل عينٍ طالعت شمس وأشروق
باب الـشعر طقه ثمانين طقـــــــاق.....
والجيل الاول راح ماهو بمسبوق[/size]

فارس الدغيلبي[/size]

حدث خطأ بسيط في البيت
وأهل الجرايد نشتكي ضيم الاوراق

والصحيح
ويــــــأهل الجرايد

باب الشعر طقه ثمانين طقاق + + + والجيل الاول راح ماهو بمسبوق



صح لسانك اخوي فارس الدغيلبي وسلمت وبيض الله وجهك .

موضوع مهم وقصيدة راااااائعه .





اخوك دريد ابن الصمه

ياأهل الشعر نبغى معاناه وأشواق.....
شيٍ من الواقع مثبت وموثوق
وأهل الجرايد نشتكي ضيم الأوراق.....
شعرٍ بها ياناس ماهو بمطيوق
شعرٍ على الأوراق ماعاد يـــــــراق.....



سـلمت يا فــارس وصـح لسـانك
وان اشـهد ان صاحب هـذه القصيـدة هو شاعر ماهوب الخكارية ...!!!
اللي ملوا الجـرايد والمجلات

فارس الدغيلبي
صح السانك قصيده تتكلم عن واقع حاصل
لاهنت وفي انتظار مشاركات اخرى..
كل الود..

لاهنت والله ...

كلامك هو الواقع ...

إذا كان الصحفي ما يركّب بيت على بيت ...

اجل وش لون يعرف القصيدة الصاحية من المجنونة :)





تحيااااااااتي

باب الـشعر طقه ثمانين طقـــــــاق.....
والجيل الاول راح ماهو بمسبوق


صح لسانك يا فااارس

اعذرني على التأخير

قصيده راااائعه

صح لسانك أخوي فارس


والله ما تنلام فيهم


مالك حيله فعلاً الشعر هالأيام يحتضر


بس بوجود مثلك وشرواك يبقى مرفوع راسة


تحياتي ..

السلام عليكم

ولا كل نورٍبالدجى لاح بـــــــــراق .....
ولاكل عينٍ طالعت شمس وأشروق
باب الـشعر طقه ثمانين طقـــــــاق.....
والجيل الاول راح ماهو بمسبوق

أخوي فارس الدغيلبي صح الله لسانك وبيّض الله وجهك , أبيات ترسم الواقع .... الله يلوم اللي يلومك .

تقبل تحيات وأعجاب أخوك عالي الحوم .

أعلم أن تعليقي على ردودكم أتى متأخر لغيابي عن المنتدى ولكن حبيت أشكركم فرداَ فرداً
على ردودكم الجميله
فألف ألف شكر
وآسف على التأخير
وتقبلوا نحياتي