((عشق الفياض))
ذيب السرية06-Dec-2004, 02:11 AM
((عشـــــق الفيــــــاض))
لاضاق صدرك يافهد شغل الجيب = خلنا نسج وناخذ بنجد سجــــه
شغل وتلة ياحصان الأطاليب = خل الثرى من قوو عزمه يرجـــــه
خله يقرب نازح البعد تقريب = يقوم مع دربه من المشي عجــــه
نبا الفياض الواسعه والمراقيب = خله على هاك الفياض أيتوجـــــه
شوف الفياض يغيب الهم تغييب = يوم القدم في عاليتها نسجـــــه
عسى الجروح الخافيه كلها تطيب = وانسى همومي يوم أشوفه موجــــه
مبغى مقابل شاذبين العراقيب = اللي لهم بالهرج لجه وصجـــه
اللي سوالف مثلهم تفري الجيب = لا جالهم في سيرة الناس لجـــه
مجلاسنا مع مثلهم يافهد عيب = في مجلس دجه ومن جاه دجـــــه
ياصاحبي ماودي بغيرك صحيب = البر مابه للمخــــــاليق ضجــــه
ينعش هواه ويطرب البال تطريب = يازين والله لاعطي الجيب فجــــــه
للشاعر : مشاري بن رفاعي الروقي
ذيب السرية
مرزوق حمدان العتيبي06-Dec-2004, 10:49 PM
وانا اقول عشت وسلمت
(((يابندربن سرور )))) هالعصر..
عاجز عن شكرك يامشاري..
صدقني لشعرك نكهه خاصه .. واسلوبك فريد
في الوصف وقوّة المعنى... لافض فوك.
تحياتي
الــوآفــي08-Dec-2004, 01:17 AM
الغالي ذيب السريه
صح لسانك ولا هنت جزله كالعاده
واتمنى ان تعطي قصيدتك الفرصه الكامله للقراءه قبل ان تضع قصيده اخرى لكي يقرأها اكبر عدد ممكن
ولك كل التحيه
مروي العطاشا08-Dec-2004, 07:35 PM
الغالي ذيب السريه
صح لسانك ولا هنت جزله كالعاده
واتمنى ان تعطي قصيدتك الفرصه الكامله للقراءه قبل ان تضع قصيده اخرى لكي يقرأها اكبر عدد ممكن
ولك كل التحيه
هذا اللي كنت بقوله
ذيب السرية08-Dec-2004, 11:45 PM
صح بدنكم ولاهنتوا
كل الشكر لكم جميعا معاكم حق انا نزلتها بسرعة علشان كذا ماشووووف احد رد
يؤؤؤالعفواخوي مزوق واللة انك معطيني اكبر من حجمي ياللة ابسالكم كم تعطووووني من العمر من خلال قصيدي
داهية عتيبة09-Dec-2004, 02:52 AM
صح لسانك يالذيب
لاهنت
تحياتي...
وصل العطياني؟؟؟09-Dec-2004, 06:33 AM
هلا والله يا مشـــاري ...
صح لســــانك مدد بلا عــــدد ...
قصائدك جميعها رائعة ...
أمّا من ناحية عمرك فأنت الظاهر إنك وردت الماء :p
تحياااااااااتي
مشتــــاق10-Dec-2004, 04:22 AM
صح لسانك مليوووووووووووووون
هذي والله الابيات
سجل اعجابي ومتابعتي المستمره
وانا مع رأي " ذيبان"
رغم ان القصيد اللي بمثل هذه الجزالة والسلاسة ما ينمل منه
تحياتي
ذيب السرية12-Dec-2004, 11:47 PM
صح بدنكم جميعا
اخوي وصل انت والمشتاق كل الشكر لكم وكلامكم وسام على صدري
اما ياوصللل عن عمري لا توني ماوردت الماء بااااااقي واجد بالحيللل على ورودالماء
واللة العالم اني اصغر واحد فيكم
ذيب الحجاز27-Dec-2004, 06:48 AM
نبا الفياض الواسعه والمراقيـب
خله على هاك الفياض أيتوجـه
شوف الفياض يغيب الهم تغييـب
يوم القدم فـي عاليتهـا نسجـه
عسى الجروح الخافيه كلها تطيب
وانسى همومي يوم أشوفه موجه
مبغى مقابل شاذبيـن العراقيـب
اللي لهم بالهرج لجـه وصجـه
الاخ الغالي ..,/ ذيب السريه ..
صح لسانك على هذا الابداع ..,
قصيدة رائعه ومميزة
ابيات نظمتها فأحسنت نضمها ..,
نتطلع لجديدك القادم لا تطيّل بالله
لك خالص الاحترام ..,/
ذيب الحجاز
ذيب السرية29-Dec-2004, 11:47 PM
صح بدنك اخووووي الذيب وياهلا وغلا فيك
لا عدمناك يالغالي
فتى عتابة30-Dec-2004, 04:37 PM
ذيب السرية01-Jan-2005, 12:34 AM
صح بدنك هلا وغلا فيك
منوور ياخوي
عالي الحوم01-Jan-2005, 07:53 PM
السلام عليكم
مبغى مقابل شاذبيـن العراقيـب
اللي لهم بالهرج لجـه وصجـه
اللي سوالف مثلهم تفري الجيـب
لا جالهم في سيرة النـاس لجـه
صح الله لساااااااانك اخوي ذيب السرية وبيّض الله وجهك , أبيات جزله من راس شاعر جزل .
تقبل تحيات أخوك عالي الحوم
فمان الله
يوسف عبيد01-Jan-2005, 08:11 PM
صح لسانك يا ذيـــــــــــب الســــــــــــــــــرية
على القصيدة الرائعه ودمت علىخير يا الغالي
ذيب السرية01-Jan-2005, 10:51 PM
صح ابدانكم كل الشكر لكم على تشريفكم
