براهيم الشيخي رائد فضاء......
مرزوق حمدان العتيبي11-Feb-2005, 01:41 AM
...
اخونا العزيز براهيم الشيخي
من منطلق فرحتنا با انضمامك وشرف اللعب مع شاعر بقامتك
اسمح لنا ان نبتدي معك بهالطاروق .. ..
هلا مرحبا في منتدى العز والطيب = تراحيب نرفعها وتسمع صداها
براهيم شاعر من رجال المواجيب = ورايد فضا فالملعبه لا لقاها
((الدلبحي))11-Feb-2005, 01:45 AM
مرزوق تسلم ياغالي
ازهم على الرجال وانا بمسك الصف
تحياااااااااتي
وصل العطياني؟؟؟11-Feb-2005, 02:00 AM
محاورة من الوزن الثقيل ...
سوف نتابع ...
بكل شغف ...
تحيااااااااتي
مرزوق حمدان العتيبي11-Feb-2005, 02:03 AM
الاخوان الاعزاااء
والشعراء النجبااااااء
الدلبحي والعطياااااااااني بكم يكتمل الجمال.
ويفرح الخاطر..
لاهنتم...
ابراهيم الشيخي11-Feb-2005, 02:03 AM
ارحب يامرزوق
الشرف لي طال عمرك
يدوم البقا ياللي رفعت التراحيب=من يقدم الجزلات يلقى كماها
ترى التاجر اللي يملك المال فالجيب=ليا شاف له سلعه ثمينه شراها
ابراهيم الشيخي11-Feb-2005, 02:05 AM
الدلبحي/وصل العطياني
لاهنتوا على تواجدكم المشرف
لكما تحياتي
مرزوق حمدان العتيبي11-Feb-2005, 02:16 AM
الله الله ...
ياكثر السلع لكن مابه مكاسيب = وتجارها ماعاد تتعب وراها
انا ذيب وافرح لا تقابلت مع ذيب = ويعطا لجزيله من تعوّد علاها
بعيـد المرامع11-Feb-2005, 02:26 AM
الله الله ...
واصلو ياشبابه....
ترانا متابعين ووقوف .. وشايلين الصفوف
بعيد المرامع
مشتــــاق11-Feb-2005, 02:27 AM
مرزوق + الشيخي
عمالقه
وانا في صف الشيخي
الله الله
ترى التاجر اللي يملك المال فالجيب=ليا شاف له سلعه ثمينـه شراهـا
مشتــــاق11-Feb-2005, 02:29 AM
الله الله
ياكثر السلع لكن مابه مكاسيب=وتجارها ماعاد تتعـب وراهـا
ابراهيم الشيخي11-Feb-2005, 02:35 AM
ياسلام ياسلام
تشوف الغلط فالخط والا المكاتيب=ثرى الارض يطلب مزنةٍ هل ماها
وياذيب لو عديت روس المراقيب=صدفت الذياب اللي تلج بعواها
ابراهيم الشيخي11-Feb-2005, 02:37 AM
بعيد المرامع/مشتاق
ياهلا ويامرحبا
شرفتونا
مرزوق حمدان العتيبي11-Feb-2005, 02:57 AM
الله الله
----
عسى الله يقدر ثم تبل المشاريب = كبود ٍ عطاشا كم شكت من ضماها
بحثنا الحقايق ثم وجدنا التعاجيب = كثير الذيابه بالكلافه عشاها
اخوي ابو خليل اقول لك
تصبح على خير ونكمل المناقشه غدا ً با اذن الله ..
مرزوق حمدان العتيبي11-Feb-2005, 03:00 AM
هلا والله ببعيد المرامع..
نورت وشرفت ...
هلا بالمشتاااااق الله لايهينك
ولا عليك زود..
ابراهيم الشيخي11-Feb-2005, 03:19 AM
الله الله
اقول الفجر مقبل وانا ماعلم الغيب=لكن الوقايع تدعم اللي قراها
ظنونك تجي وتروح وتصيب وتخيب=لكن الذياب اللي حرمكم عطاها
طيب يامرزوق اللي تشوف طال عمرك
مرزوق حمدان العتيبي11-Feb-2005, 11:17 AM
..
الله الله
ابشرك عندي خير مير الطمع عيب = ونفس ٍ طموعه قلل الله حلاها
وانا لو بغيت ادخل مجال التطابيب = قدرت اكشف العلّه واشخص دواها
ابراهيم الشيخي11-Feb-2005, 11:13 PM
طيب طيب
ياشين المطايا اللي مشت ظلع وشعيب=لو تطول رجليها وتقصر يداها
ترى المعرفه ماهي بفتل الاشانيب=تبي من يميز وجهها من قفاها
الــوآفــي11-Feb-2005, 11:25 PM
الشاعر الرائع مرزوق العتيبي
رااااااااااااااائع
الشاعر ابراهيم الشيخي
راااااااااااااائع
كملوا الله لا يهينكم
مستمتعين بمحاورتكم
لكم كل التحيه
مرزوق حمدان العتيبي11-Feb-2005, 11:29 PM
خلووووووووها
.....
ياشين البيوت اللي بليّا مناسيب = ياليت الرفيق اللي بناها طواها
تزيد المعرفه مع رجال التجاريب = ولهجات بعض الناس ماعرف لغاها
مرزوق حمدان العتيبي11-Feb-2005, 11:34 PM
...
الاخ ذيبان الرئع
والزميل المميز ..
شكرا لك على التواصل والتشجيع..
ودائما وانت للطيب في المقدمه..
لاهنت لاهنت دمت ودام عزك..
ابراهيم الشيخي11-Feb-2005, 11:58 PM
قنبعت الله يخارجنا هههههههههههههه
وصلك القدر يامن بذلت التسابيب=ومن مد نص الكف ياخذ ملاها
عرب عاربه ماحن ندور لتعريب=لكن الهنود ازريت اترجم حكاها
ابراهيم الشيخي11-Feb-2005, 11:59 PM
ارحب ياذيبان
وجودك شرف طال عمرك
امنعني من مرزوق تراه جاي هواش وفي يده عجرا
مرزوق حمدان العتيبي12-Feb-2005, 12:15 AM
:) ابو خليل حنا اللي الله يخارجنا والله لايجعلها اتقنبع الا في خير :)
يالاجودي قل آآآآآآآآآآآآآآآآآمين
تجهز يافكري قمت اقلبك تقليب = على العالم اللي قام يطحن رحاها
براهيم ياعجلك على الشك والريب = تزعل نفوس ٍ كنت تبغي رضاها
ابراهيم الشيخي12-Feb-2005, 12:30 AM
آآآآآآآآآآمين
بدينا ولا عن كلمة الحق تجنيب=ولابد للخطوه تصل منتهاها
والا ياحلى صحبتك بين الاصاحيب=ولن كان دامت صحبتك ياحلاهاا
ابراهيم الشيخي12-Feb-2005, 12:33 AM
الغالي مرزوق العتيبي
تشرفت بهذا الطاروق معك طال عمرك واستفد منك ايما استفاده
صح لسانك وسلم بنانك
سبحانك اللهم وبحمدك اشهد ان لا اله الا انت استغفرك واتوب اليك
مرزوق حمدان العتيبي12-Feb-2005, 12:38 AM
...
لله درك من مبدع ....
صح بدنك
والاستفاده انا اللي نلتها ياطويل الباااااع ..
والله انها من ليال العيد ليلة ٍ التقينا فيها معك يابو خليل..
والله لايهينك ...
دمت ودام عزك..
اخوك
أبو الوليد12-Feb-2005, 12:03 PM
الله الله يا مرزوق رائع .. بمعنى الكلمة
استمتعنا بهذه المحاورة بينك وبين الشاعر المبدع والمتألق دائما ( ابراهيم الشيخي )
علي فلاح العضياني12-Feb-2005, 12:17 PM
رائعين بحق مرزوق العتيبي و ابو خليل
الله لا يحرمنا من ابداعاتكم ااااااااااااميييينش
وصل العطياني؟؟؟13-Feb-2005, 06:20 AM
بيّض وجيهكم ...
صراحة طاروق رائع ...
ولو خليتوه يقنبع من جد كان أحسن :)
وذيبان يفرع فرعة مصرية ههههههه
لكن ما قصّرتوا ...
مرزوق شــاعر كبير وأعتبره أستاذ ما شاء الله عليه ...
وابراهيم شهادتي فيه مجروحة , فإن كان للشعر عالِم فهو عالِمه ...
سبحانك اللهم وبحمدك اشهد ان لا اله الا انت استغفرك واتوب اليك
إيه يا بعدي , ينتــصلّى على طروق ثيابك :)
تحياااااااااااااتي
مرزوق حمدان العتيبي13-Feb-2005, 10:18 AM
...
شعراءنا الاعزاء
الفالح ..... ابو الوليد ..... وصل العطياني
شرفتونا بحضوركم الباهي
وحرفكم الزاهي ... ماعليكم زود ... اكتمل الجمال بمتابعتكم وتواجدكم الله لايهينكم..
اخوكم .
الفـــايز07-Jun-2006, 05:40 AM
شعار كبار ومحاورات ماتنسا .
ذياب07-Jun-2006, 07:43 PM
قنبعت الله يخارجنا هههههههههههههه
وصلك القدر يامن بذلت التسابيب=ومن مد نص الكف ياخذ ملاها
عرب عاربه ماحن ندور لتعريب=لكن الهنود ازريت اترجم حكاها
يالربع هذا الزهراني
شاعر العرضه ولا أنا غلطان
التوضيح
يامسؤلين
أخوكم/ذياب
مرزوق حمدان العتيبي07-Jun-2006, 09:09 PM
...
.
لاهنت يالفايز ...
ونشكرك على تواصلك ... وشهاده منك مصدر فخر بالنسبه لي ...
....
يالربع هذا الزهراني
شاعر العرضه ولا أنا غلطان
التوضيح
يامسؤلين
نعم ياذياب هذا شاعر القلطه والعرضه
براهيم الشيخي الزهراني ..
...
