الله لا يهينك انا بدويه

قالت الله لايهينك انت خابرني بدويه***مااحب الي يمس غترته ويزبط عقاله
انا ودي ببدوي يمشي بدمه حميه***لاتعزوا بالقبيله كلهم صاروا عياله
البدو غالين عندي لو حصل منهم خطيه*** الولد فيهم يساوي شيخ بجاهه وماله
قلت انا أنعم واكرم ماكذبتي يااجوديه**سجل التاريخ عنهم البطوله والجماله
لا كن الله لا يهينك لا تناسين البقيه***الحضر رجالهم ياوسع صدره وباله
في المواقف انشديني مايتخلى عن خويه***لافزع ماعاد يدري من وراه ومن قباله
وضيفهم يبشر بعزه والوفاء والمقدريه***كل واحد يسبق الثاني ولاندري بحاله
قالت اكبر عيب فيني يالحضر النرجسيه***مااظن احد بيغريني بطبعه او جماله
انا احب الي زهابه حاجتين وبندقيه***يفتخر بالذود ويسرح كل يوم في حلاله
وان لفاه الضيف شاف الفرق شاف الناس حيه**بدوي صوت نجره اطرب الطرقي وجاله
قلت انا ليه اختلقتي فرق وسويتي قضيه***الكبر لله والمومن ضعيف براس ماله
يابدويه الجروح الي من اسبابك نديه***والخفوق الي تحرا جيتك ياما جراله
والعيون الي تمن شوفتك صارت شقيه*** والفراق الي بليا ذنب يذبحني لحاله
قالت الله لايعاقبني انا بنت بريه*** من السوالف كلها والحب وين الي وفاله
ياولد لاتحسبني جاهله والا غبيه*** الهوى ماهو كذا والحب انا مابي مجاله
انا اخوي ان قال انااخو فلانه عرفت اني بدويه**تجتمع روس العرب له من يمينه من شماله




قصيده اعتقد انها للشاعر بندر الرشود اتمنى ان تحوز على رضاكم


وسلامتكم

تسلم ياذيب

تسلم ياذيب


انتقاء جميل

اخوي بن عاصم ومن قال سالم


اشكرك على تشريفك