ياسلامي وانا لاجيت ماني بضيف ( فهد الشهيب)
شهاب العطاوي05-May-2011, 02:19 AM
ياسلامي وانا لاجيت ماني بضيف =وسط ديرة بني عمي وديرة هلي
يافهد شبت النيران حول المصيف =مابقى غير تغلي من سناها غلي
فهد الشيباني05-May-2011, 02:20 AM
صح الساااانك ياشهااب
وصح السااان السمي
متاابع
..
شهاب العطاوي05-May-2011, 02:22 AM
محمد ابن رووق05-May-2011, 02:23 AM
شهاب العطاوي اسم سوف احفظه ولن انساه
كم انت مبدع
فهد الشهيب الثبيتي05-May-2011, 02:26 AM
مرحبا عد ماهلت مزون الخريف=وانت شاعر عتيبي منزلك منزلي
كان شبت ترا ماتاكل الا الضعيف=علم اللي يسولف للعرب فالخلي
فهد الشهيب الثبيتي05-May-2011, 02:39 AM
ارحب ارحب يافهد
صح بدنك وشرفتنا بمرورك الكريم
محمد شبيب السبيعي05-May-2011, 02:40 AM
الله الله الله ابداع ياشهاب وصح لسانك
وصح لسان المبدع فهد
كان شبت ترا ماتاكل الا الضعيف ===
علم اللي يسولف للعرب فالخلي
بيض الله وجهك
فهد الشهيب الثبيتي05-May-2011, 02:42 AM
ارحب ارحب يابو شبيب
ووجهك ابيض طال عمرك
شرفتنا بمرورك ومتابعتك
شهاب العطاوي05-May-2011, 02:58 AM
مانعس الحيا مع درب سحاب صيف =غيمته لو نخيل بروقها تنجلي
البهيته بعيدة عن ظواحي عفيف =والجمال أربعة معهم قعود وطلي
فهد الشهيب الثبيتي05-May-2011, 03:12 AM
الحيا في بلد باريس ولا جنيف=يوم في نجد تصلاك اللواهب صلي
انحر الخط والمشوار ماهو كليف=الزمان اختلف ماهو كما الاولي
محمد شبيب السبيعي05-May-2011, 03:15 AM
الله الله الله
يافهد
الحيا في بلد باريـس ولا جنيـف ===
يوم في نجد تصلاك اللواهب صلي
صح لسانك
فهد الشهيب الثبيتي05-May-2011, 03:16 AM
ارحب مليون يابو شبيب
صح بدنك ولاعدمنا متابعتك وحضورك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
