ان كان جاء للعب ماجد ومرزوق<>اكبر " شنب فالقوم " ما حسب حسابه

السلام عليكم

صبحكم الله بالخير



السوق حامي والعرب داخل السوق =واشوف انا التجار فيهم غرابه
ان كان جاء للعب ماجد ومرزوق =اكبر " شنب فالقوم " ما حسب حسابه







.

...
الله الله ..

مرحبا ياسيف المعاني .
لي عوده وان قام اخوي ماجد بالواجب الله لايهينه..

..
استلم ..

السوق حامي كل واحد وله ذوق = وانا من اللي باع به واشترابه
يالشاعر اللي للشعر هزّك الشوق = هات الكلام وجابة ٍ ضد جابه

الله الله

سيف المعاني ومرزوق

لالا يا مرزوق أنا ما أتقدم عليك

أنت الكبير وتسد اللزوم وزود

متابع

جيتك وانا ادّرإن كل مطرود ملحوق = والسوق كلٍ فيه ياخذ( حسابه )*
ابرز نجوم الليل ما اشوفها فوق = جوف السماء والا بجوف السحابه

مرزوق العتيبي
يا هلا وغلا
ماجد يا هلا وغلا




تحياتي

لله الله

من يعتني بالطيب يحشم عن العوق = وراع الكبر ماله مقام ومهابه
فتّح عيونك كان في موقها ضوق = جعلك تشوف الدرب واللي مشابه

سيف المعاني

لاهنت وبدايه موفقه وصح السانك وانا من المتابعين

مرزوق تسلم ياغالي

تحيااااااااااااااااتي

ياناس مرزوق العتيبي بطاروق = ينخى خزاعه ثم ينخى شبابه
الحر حراٍ تحكمه دايم سبوق = لو كان في بعض الاسامي تشَابه

.

نرحب فيك ياسيف المعاني
والله يقويك انت والاخ مرزوق
استمروا.

مرزوق دق اخشوم ومسكت احلوق = مافيه داعي ينتخي بالقرابه
يالشاعر اللي بان في را سك اطقوق = انته من الاجناب ولاّعتابه ؟

...
..
.

الا ساتذه
الدلبحي والمهنّد
مرحبا تراحيب المطر.
شرفتوا..

أبو منذر
وسيف
الله يقويكم
مرزوق دق اخشوم ومسكت احلوق مافيـه داعـي ينتخـي بالقـرابـه
يالشاعر اللي بان في را سك اطقوق انتـه مـن الاجنـاب ولاّعتابـه ؟

يا ســــــــــلام :)

سحاب صيفٍ مر برعود وبروق = ماحداٍ تنبه له ولا حداٍ درابه
والله ما خبر ضاع لي عندك حقوق = ذيبٍ واعيش اليوم وسط الذيابه

الدلبحي


هلا وغلا شرفتنا في هذه المساحه
لك تحياتي

المهند

هلا وغلا بك
اضاة بقدومك هذه الصفحه

تحياتي

ولد عوجان الجذع


هلاوغلا

نتشرف بتواجدك

ان رحت ولا جيت مخلوق مخلوق = خلقه تراب ومرجعه في ترابه
لوكنت من برقا ولو كنت من روق = على سوالي ماتركت الاجابه

.
اشوف بعض الناس فالخصر منتوق = مثل البعير اللي رثع في زهابه
ارجع وتلقى ما بغيتوه منطوق = لاهيب لا طلبه ولا هي نهابه

محاوره رائعه بين الاثبين
يعطيكم العا فيه

بس ماجاوبت يا سيف على مرزوق

تحياتي

:)

ماشفت منكم شي بيّن وموثوق = لاصورة ٍ تحكي ولا فالكتابه
كانك حياوي فاجعل الوجه مطلوق = السيف مايصلح بليّا نصابه

...
الاخوان ولد عوجان
وابو عبد الرحمن ..
حياكم ربي وبيّاكم
سعداء بتواجدكم...
ابو عبد الرحمن....... برايفت يالشهم
انت تشوف الرجال وش لون إتهرب؟.. :)
تسلم على متابعتك.

"
"
:)


الجرح مايلتم لا صار محروق = والعقل ماينفع بليا لبابه
يا معديٍ في راس عالي وشاهوق = القاع لا يغدي عليكم سرابه

ابو عبد الرحمن

الجواب ما جود طال عمرك :)


تحياتي

الضيف قدره مع هل العرف مرموق = لوكان لايغزي ولا ينغزابه
امحمد التمياط غطّى على اصفوق = والشاهد انه غاب ماحد ٍ درابه

...
الشاعر سيف المعاني
سعداء بتواجد شاعر بحجمك..
صح لسانك والله لايهينك
والقفله من عندك طال عمرك...
تحياتي

وانتم لكم قدر من الطيب مطبوق = يا هل الفعول الوافيه . . والذرابه
والناس دايم ما على الطيب مسبوق =كلٍ يمينه تظهره في شبابه

مرزوق العتيبي تشرفت بالعب معك



وصح لسانك ولا هنت

ياغالي

..

.

الله الله ......
صح لسانك ولاعليك زود :)

ماشاء الله عليكم صح لسانك انت وياه

ماشاء الله عليكم

مرزوق صح لسانك وأبدعت

سيف المعاني صح لسانك وأبدعت

..
صح بدنك ياتذكار..
كل الشكر على حضورك.

الشاعرين سيف المعاني ومرزوق العتيبي
لكما كل الشكر على هذه المحاوره التي تدل على روعة
شاعريها من روعتها وجمالها
ولكما كل احترامي

أبداع وتميز صح لسانكم مرزوق العتيبي وسيف المعاني
تحياتي لكم
فيصل المسعودي

...
راع الاصايل
وفيصل المسعودي
صحت ابدانكم شرفتونا واسعدتونا..
كل الشكر..

شكراٍ لجميـــــــــــــــع من مر من هنا