ليا اشتبك عج الرمك والمعاصير

قصيده للشاعر محمد بن حويل العصيمي

ومهداه للامير / محمد بن تركي الهيضل صاحب الوقفات الجليله

http://a8.sphotos.ak.fbcdn.net/hphotos-ak-prn1/556249_259293874161020_100002412294154_526616_1110 017303_n.jpg


ولعلها ان تنال على رضاكم


نبدي بذكر الله على كل تعبير=ولافيه موضوعٍ على الرب خافي
هات الكتاب وسطر القاف تسطير=قافٍ يكفي عن ثمانين قافي
يابن الشيوخ الي تقود الطوابير=أمرويت علط الرماح الرهافي
محمد الهيضل زبون المخاسير=رجلٍ على كسب النواميس وافي
الشيخ ضد اللي براسه سعاطير=شهمٍ شجاعٍ فالللوازم سنافي
يابن الشيوخ الاولين المشاهير=ليا روحت خيل ٍ بخيلٍ مقافي
هياضله يثنون دون المظاهير=ويثنون دون اللي توخر خلافي
مركاظهم يشبع به الذيب والطير=ليا جاء الزحام ويبسن الاشافي
اهل الفخر يوم السبايا مناحير=ليا خف ميزان القلوب الخفافي
ليا اشتبك عج الرمك والمعاصير=دقلاتهم يوم الحرايب تشافي
واهل المكارم فالسنين المعاسير=أليا اركبت غبر السنين العجافي
ريف الركاب اللي سوات السنانير=مقلطة حيل الغنم فالصحافي
جيتك يابو تركي حصان المناعير=جيتك بقافٍ ما غطاه اللفافي
جيتك مسير وانت منصى الخطاطير=اخذ الخبر ياريف من جاك لافي
وصلاة ربي عد وبل الشخاتير=عداد من هلل وكبر وطافي
على رسولٍ بيّن الشر والخير=وشدد على أهل الشرك والانحرافي


وسلامتكم