لكن مثل نـــايف بوقـت الحـرابــه.

حارت حروف الشعر عند الكتابه...صار القلم حاير على صفحة كتاب
كل الحروف بوسط عيني تشابه...لبست من لباس الحزن خير جلباب
مدري اعزي والــدي بالقــرابـــه....والا اعزي من سكن باطهر تراب
مير الصواب اللي شكى من صوابه..سنة محمد غرقت سود الاهداب
من بعد ماراحو لـهــا من ذيــابــه.....قلنا بدال الذيب ذيبن ليا غاب
لكن مثل نـــايف بوقـت الحـرابــه......ان الزمن روح بمثله ولاجاب
من غيره اللي عاش عمره رقابه...من غيره اللي قاطعن عرق الارهاب
سيف الامن لاحان وقت المجابه..عين الوطن يوم البشر نومها طاب
ساس الوطن حتى دفن في ترابه....يالله بجنة خلد مع خير الالباب
خيم علينا الهــم باكبر سحابــه.....وتبسمت جرثومة الارض للداب
ياخادم البيتين ماهــي طـلابــه.....الفار خــرب ســد مارب ولاهـــاب
قدام عد الارض يصعب شرابه...ليتك تسفرهم وتقفل على الباب
والا توكل عزوتــي بالنــيـــابــه.........حنا لها لاكشر الناب للناب
جهنان لامن القشر فك بابـــه.... حتى الحجر من وطية اقدامنا ذاب
نصرة رسول الله عيال الصحابه...تشهد لنا مكه والابواء والاحزاب
وتشهد لنا خنذف وعزوة شبابه....وقفاتنا يبلش بها كل حساب
والنعم جزل النعم في كل لابه...من عالي الحرة ليا راس مشعاب

من اشعارشقيقي طلال المحياوي