ياخادم البيتين

قصيده جديده للشاعر سعود بن بدر الشيباني العتيبي
يبعث بها من خلف القظبان
@@@@@@@@@@

ياخادم البيتين حنا هل البيت
وانتم حماة البيت واللي يروده

الله يثبتكم على الحق تثبيت
ويحم الوطن من شر ناس(ن) حسوده

من حولنا ترقص جنون العفاريت
والبيت مايثبت بليا عموده

انتم لنا مثل الجبال النعاتيت
رواسي العوجا تثبت حدوده

واليا دعيتونا حضرنا بتوقيت
وكلن على الواجب يكرس جهوده

هذا وطن بين العرب عالي صيت
نرخص له الدم الاحمر من وجوده

يادارنا مادنسوك السرابيت
مادام ابو متعب وحنا جنوده

الشاعر سعود بن بدر / راع الكايدة

ارجو النشر

صح لسانك ولسان شاعرها

صح بدنك لاهنت

صح لسانه ولاهنت على النقل