يالعظيمه

يالعظيمه
يالعظيمه كل مامنك عظيم=الجمال وخفت النفس ومعه
الحلا والمنطق اليّ فيه أهيم=وأنسيابك بالفصول الأربعه
لو عرفتي زين شاعرك إبراهيم=كان شلتي ماتسمى أقنعه
يانسيم الغرب ياأروع نسيم=الحدايق يالنسيم مشرعه
وأنت سهمك من تربع بالصميم=وأنت لك رحلة غرام منوعه
صوت غيرك يابعد عمري عقيم=بس صوتك ياهوى البال أسمعه
نوب أقول أنك على قلبي زعيم=ونوب أقول أن كل كلي مرجعه
بس أكيد العلم يالخشف الوسيم=أن ليّ قصه معاك وممتعه
الشاعر / إبراهيم بن غضيان الشراري=

ابراهيم الشراري صح لسانك


تحيتي

لـــو*عـرفـتـي*زيـــن*شـاعــرك*إبـراهـيـم
كـــــان*شــلــتــي*مـاتـســمــى*أقــنــعــه


الله
عليك
صح السانك
يابعدي ابدعت بحق بيض الله وجهك

الله الله قصيدة جميلة

واللي فهمت منها انها تمدح اللغة العربية بجانب اللغات الاخرى

هكذا فهمت شاكرا لك

وتقبل مروري

الأخ العزيز/ فهيد الايدا المورقي.
صح الله بدنك والله لايهينك طال عمرك.
لاخلا ولا عدم.
تقبل تحياتي وتقديري وأحترامي لشخصك العزيز.
أخوك الشاعر/ إبراهيم بن غضيان الشراري

الأخ العزيز/ معلا إبراهيم الاسعدي.
صح الله بدنك والله لايهينك طال عمرك.
بيض الله وجهك لاخلا ولا عدم.
تقبل تحياتي وتقديري وأحترامي لشخصك العزيز.
أخوك الشاعر/ إبراهيم بن غضيان الشراري

الأخ العزيز/ نواف خالد العتيبي.
صح الله بدنك والله لايهينك طال عمرك.
بيض الله وجهك لاخلا ولا عدم.
تقبل تحياتي وتقديري وأحترامي لشخصك العزيز.
أخوك الشاعر/ إبراهيم بن غضيان الشراري