26-Jan-2006, 05:23 AM
ســــــعــــــود الــــــدهــــــيــــــمــــــي
بين العرب عشنا ولابـه مسـاواه = ياللي تساوي بالزحـول البهابيـه
بعض العرب ودّك ببعده وفرقـاه = لو ان بعده ينشرى كـان تشريـه
وبعض العرب ودك بقربه ولاماه = لوفرقتّكـم سـود الايـام تغليـه
لاحتجت له في حزة العسر تلقـاه = وليا نخـاك لحاجتـه قلـت لبيـه
لنّه على الطالات نفسـه مضـرّاه = وابوه من صغـره عليهـا مربّيـه
شروى الخوي اللي ينومس مخاواه = اللي ينومسنـي بذكـره وطاريـه
ولاّ الثياب ابها رياجيـل واشبـاه = شياً بيـان وشـي ربـي مخفيّـه
كم واحدٍ ينفخ على النـاس علبـاه = لوهو مايدري وين ربـي موديـه
وكم واحدٍ لـه فالمجالـس مبابـاه = واليا سمعته قلـت لاوالله البيـه!
والياحداك الله على بحثـة اقصـاه = تلقاه هرجٍ صامل الكـذب قافيـه
ازوااال بثيـاب الاوادم مخـفّـاه = وكلٍ تزيّن لـه ظنونـه مساعيـه
والرابح اللي عنهم الخالق اغنـاه = عرضه ستير وواجبـه مايخليـه
يعز نفسـه ليـن تبـرك مطايـاه = ولغيـر ربـه مايكثّـر مشاكيـه
ومن لااستطاع يعز نفسـه بيمنـاه = لايلحق ادنى الربع لوم ومشاريـه
لومه على نفسه اليا حسّب اخطاه = ولابد قلبه مـن منامـه يصحيـه
واللي يخاوي الرجل حشمه لمخباه = والله لو اجلس لحالي ما اخاويـه
انا آزن الرجّّال من يوم ما القـاه = وانزّلـه فالمنـزل اللـي يكافيـه
اما امدحه لاوحيت ذكره وطريـاه = ولاّ اطلب الله لايجيني ولا اجيـه
ولاكل من يصخر بيـوتٍ مقفّـاه = ودي بمعرفته وممشـى مماشيـه
احدٍ اليـا نادانـي اسمـع منـاداه = واحدٍ يناديني لكن ما التفـت فيـه
بين العرب عشنا ولابـه مسـاواه = ياللي تساوي بالزحـول البهابيـه
بعض العرب ودّك ببعده وفرقـاه = لو ان بعده ينشرى كـان تشريـه
وبعض العرب ودك بقربه ولاماه = لوفرقتّكـم سـود الايـام تغليـه
لاحتجت له في حزة العسر تلقـاه = وليا نخـاك لحاجتـه قلـت لبيـه
لنّه على الطالات نفسـه مضـرّاه = وابوه من صغـره عليهـا مربّيـه
شروى الخوي اللي ينومس مخاواه = اللي ينومسنـي بذكـره وطاريـه
ولاّ الثياب ابها رياجيـل واشبـاه = شياً بيـان وشـي ربـي مخفيّـه
كم واحدٍ ينفخ على النـاس علبـاه = لوهو مايدري وين ربـي موديـه
وكم واحدٍ لـه فالمجالـس مبابـاه = واليا سمعته قلـت لاوالله البيـه!
والياحداك الله على بحثـة اقصـاه = تلقاه هرجٍ صامل الكـذب قافيـه
ازوااال بثيـاب الاوادم مخـفّـاه = وكلٍ تزيّن لـه ظنونـه مساعيـه
والرابح اللي عنهم الخالق اغنـاه = عرضه ستير وواجبـه مايخليـه
يعز نفسـه ليـن تبـرك مطايـاه = ولغيـر ربـه مايكثّـر مشاكيـه
ومن لااستطاع يعز نفسـه بيمنـاه = لايلحق ادنى الربع لوم ومشاريـه
لومه على نفسه اليا حسّب اخطاه = ولابد قلبه مـن منامـه يصحيـه
واللي يخاوي الرجل حشمه لمخباه = والله لو اجلس لحالي ما اخاويـه
انا آزن الرجّّال من يوم ما القـاه = وانزّلـه فالمنـزل اللـي يكافيـه
اما امدحه لاوحيت ذكره وطريـاه = ولاّ اطلب الله لايجيني ولا اجيـه
ولاكل من يصخر بيـوتٍ مقفّـاه = ودي بمعرفته وممشـى مماشيـه
احدٍ اليـا نادانـي اسمـع منـاداه = واحدٍ يناديني لكن ما التفـت فيـه
