((( الليل ساتر بس انا كنت كاشفك ....... ))

ياجاهل بعرفـي انـا جيـت اعرّفـك
جيتك وانا واثـق بقولـي ومسئـول
جيتـك بحـر تكسرتبـه مجـادفـك
جيتك صحاري تقهر انهـار وسيـول
جيتك شجـر ماكسرتنـي عواصفـك
(جيتك شموخٍ ماشعربه ابـا الهـول)
الليل ساتر بـس انـا كنـت كاشفـك
واللي كشفك احساس صادق على طول
ساعه وانا اكلم على خـط هاتفـك!!
ازهم عليك ويطلع الخـط مشغـول!؟
طال انتظاري وانت طالـت سوالفـك
ياطول ليلك لاغدى الهـرج معسـول
الامـر واضـح والشواهـد مواقفـك
لاتبرر الموقـف ولاتصيـر مذهـول
ماجيت اعاتب نبض قلبـك واحلفّـك
ولاجيت ادور شـرح منـك ولاحلـول
القلـب قلبـك والعواطـف عواطفـك
والحب حبك والمحانـي لهـا قفـول
حبيت اوضـح مابـدر مـن تصرّفـك
وحبيت اوضح شي غامض ومجهـول
لاتتصـل فينـي ولانـي مهاتـفـك
وان اتصلـت بيطلـع الخـط مقفـول

محبكم : عبدالله الرقاص

روعه


ياوليد


صح لسان الرقاص


تحياتي

اخي الغالي وليد الزراقي

مشكور على القصيده الرائعه

صح السان الشاعر

والله يعطيك العافيه

يعطيك العافيه على حسن الاختيار


تحيااااااااااااااااااااااااااااااتي

تسلم يمناك

وصح لسان الرقاص


تحيااااااااااااااااااااااااااااااااااااتي