الحصان وش يرجع

فخذ الحصان من عتابة وش يرجع

لني اول مره اسمعبه كنت في منتدى للعتبان قبل هذا وكان فيه واحد عايلته الحصان واستغربت هالفخذ ونشدت يقولون بعضهم يقول نفاعي وبعضهم يقولون اول مره نسمع بهالفخذ من عتابة

الله يهديك يافرناس

الحصان نك للشخص المقصود

وهو في الاساس روقي من المراشده

يعطيك العافيه

وهناك الحصان من الحفارى من الشيابين

اللي تقصده الحصان هو لقب فقط ..
اما فخذ الحصان فهم من الحفارى من الشيابين ..
تحياتي وتقديري..

اذا كان الحصان فالشيابين والمراشدة فهو ايضاً في قبيلة الدواسر

.................................

الله يهديكم

الحصان فخذ من قبيلة الشيابين

ولاانت بأعلم ياعلي العمري من ابناء القبيلة

تحيتي.

وابك النك وشنهوا يالعمري عودنا فيها |37|
والظاهر انك عطيتني الكلام يالعمري ان الحصان فخذ من المراشدة الروقة ونعم والله فيهم جميع

الي يقول شيباني ماضنه انه من برقا خير شر

والي يقول دوسري مهوب دوسري عني انا ومتأكد انه عتيبي لانه مشرف في منتدى للعتبان كيف يصير دوسري مشرف في منتدى العتبان |56|


ياخلف انا اتوقع انه مهوب شيباني وانا اقصد هاك الفخذ الي منه هاك المشرف

يافرناس المشرف الي انت تقصده نعم هو من المراشده الروقه وتراه باحث كبير في تاريخ قبيلة عتيبه ولكن هناك ايضا الحصان من الحفارى من الشيابين وتحياتي لك يافرناس

اي نعم صحيح كلامك يا ذيب

الحصان من الشيابين

ويمكن فيه تشابهه لن في قبيله عتيبه فخوذ واجد متشابهه

الاخ العزيز علي العمري
الحصن من الحفارى من الشيابين وواحدهم حصان
وتقبل تحياتي

فيه حضري اعرفه اسمه فلان الحصان

بس انه تشابه اسماء


شكراً يالشيباني على التوضيح

ياذيب انا بجيبلك العلم الصحيح والظاهر انك صادق انه مرشدي مهوب لانفاعي ولا شيباني بس الي انا اقصدة مهوب باحث كبير شكله توه صغير لان عنده اخطاء كلن يعرفها


ابوصنيتان ام حضري هذي حلوه منك |61|

لا انا صادز عندنا واحد حضري اسمه الحصان

الظاهر تشابه اسما

أنت ياكاتب الموضوع شكلك ماتفرق بين اللقب اللي يختاره الشخص كمعرف له في النت
وبين الفخذ والقبيلة والظاهر الدعوى عندك محيوسه
مافيه شي في المراشده اسمه الحصان حسب مانعلم لاعائلة ولافخذ
واذا كانت واحد يكتب كمعرف به سلامته
ماعمرنا سمعنابه مرره
واذا كنت ماتعرف معنى الحصان مهوب مشكلة نعلمك
الحصان
اسم لحيوان يتخذ مطية يركب فوقه ويضرب في مؤخرته بعصا ويسير به الناس حيث ارادو ولاتعرف الحيوانات بعلم!!!الا اذا كان المقصود انها تشترك مع الحمير في نقل اسفار العلم للناس بدون ان تفقه مافيها فهذا المعنى قد يكون صحيح ومطابق واعتقد ان هناك من البشر من يشترك معهم كذلك في هذه الصفة!!!

أعتقد إن الموضوع أخذ أكبر من حجمه
الحصان اسم شـائع وقد تجده في عدة قبائل
وليتك حددت اسم المدينة أو القرية الموجد بها هذه العائلة أو الفخذ
لأني أعرف عائلة الحصان لكنهم من قبيلة أخرى ليسو من عتيبة
وشكرا

ليش لا يابوصنيتان الدنيا هذي مافيه غريب غير الشيطان


يامراحب ياغصاب ماعليش متاثر بالبنانيين |73|

اسمع وانا خوك الدعوى مهيب مظارب ومداف ومصامخ انا نشدت والرياجيل كلهم قالوا انه مرشدي روقي وانت معارض يعني معقوله اتسذبهم وصدزك ان مافي المراشده الحصان مستحيل يابعدي |197|




الله يبيض وجهك ياعتيبي عنيزة وانت صادز ياكثر الحصان بس الي انشد عنه طلع عتيبي مرشدي

والنعم والله

وانت معارض يعني معقوله اتسذبهم وصدزك ان مافي المراشده الحصان مستحيل يابعدي
أول شي عيب تشيش في مجلس الريجيل ثاني حاجة أنا جيتك بالعلم وقلت لك ماش فخذ ولاعائلة في المراشدة يسمى الحصان أخذ العلم وروح لأهلك الا اذا كنت تسأل عن شخص اسم معرفه الحصان وهاذا الظاهر فنقول مانعرفه لأن المعرفات واجد وبرضه كلامي في محلة لأنه ماسمى نفسه حصان الا اذا كان مطية يمتطى ظهرة ويقاد من رقبته بالحبل ويضرب بالعصا في مؤخرته والله أعلم

السلام عليكم ورحمة الله وبركاته

غصاب بيض الله وجهك وكثر الله من امثالك

ياغصاب انا مشيش انا مربع بلوت واحتري تكتمل الرصة واللعب من 52 هذا اول شي


ثاني شي الرياجيل كلهم الي قبلك يقولون الحصان من المراشدة والرجال انا بنفسي قد رديت عليه في موضوع ورد علي واسمه شفته بعيني اكذب نفسي وعيني لاوانا خوك الدنيا هيب تسذا شختك بختك

الدنيا على وصولها

يا فرناس الحصان من الشيابين فخذ من الحفارى مشهور والحصان اللي تقصده مجرد لقب لشخص في منتدى مثل لقبك فرناس بالعربي < nik name > ................

ياغصاب انا مشيش انا مربع بلوت واحتري تكتمل الرصة واللعب من 52 هذا اول شي

هذا واضح لأنك تهرج في وادي وحنا في وادي ثاني الله يصلحك:d
بالنسبة للموضوع العلم جاك مافالمراشدة عائلة باسم الحصان

ومادام الاسم معرف فقط في النت فلايهم ماذا يكون حمار... حصان .....بغل..ماعلانا
لأن المعرف يكون باي شي وليس بالضرورة يكون صدق
يمكن يكتب باسم معرف قبيلة وهو كاذب فقط يريد الاساءة لها
اذا عرفت تفرق بين اسم المعرف الانترنتي واسم عائلة الكاتب هاكالحين تعال اقر الكلام اللي قلناه هنا

الموضوع اخذ حقه ووضع في قسم ليس مناسبا له
اما بخصوص الاستفسار عن المسمى الحصان في شبكة عتيبة فهو مرشدي يجمع العلوم .................................................. ....

والحصان اللي تقصده مجرد لقب لشخص في منتدى مثل لقبك فرناس بالعربي < nik name > ................


هذا هو الجواب الكافي عن تسائلك يافرناس.



الموضوع مقفل حتى لايتشتت وينحنى لاتجاه آخر.



تحياتي