قرب قرب قرب يا الطوفان
صامل الغنامي19-Jun-2006, 04:28 PM
أبو عبد الرحمن 0 اسمح لنا نتعلم منك
ياسلام الله سلام يشبه اليزر شعاعه= ماترده لاحدود ولا سدود ولا مباني
نادو الطوفان أبا اسوي على قلبه إشاعه= ودي أعرف وش يدور بقلب ذاك المودماني
مرزوق حمدان العتيبي19-Jun-2006, 04:51 PM
أبو عبد الرحمن 0 اسمح لنا نتعلم منك
ياسلام الله سلام يشبه اليزر شعاعه= ماترده لاحدود ولا سدود ولا مباني
نادو الطوفان أبا اسوي على قلبه إشاعه= ودي أعرف وش يدور بقلب ذاك المودماني
ياسلام علاك ياصامل ....
صح لسانك ولسان الطوفان مقدما ..
حتماً سنستمتع بمحاوره عالية المستوى ..
اخوكم ...
....
الطوفان19-Jun-2006, 04:51 PM
حياك الله ياصامل....وانت المعلم
ياهلا يامرحبا ترحيبةٍ فيها مناعه=منزلتها عاليه كالجدي وسهيل اليماني
ابشر انك ماتلاقي عندنا غير الشجاعه= وانت مدري ويش نلقى فيك لو دار الزماني
ذياب19-Jun-2006, 05:08 PM
ابشر انك ماتلاقي عندنا غيـر الشجاعـه
وانت مدري ويش نلقى فيك لو دار الزماني
الله الله
يابو عبدالرحمن
جزل كما عهدناك
ومقابل جزل
وحنا متابعين
للنهايه
صامل الغنامي19-Jun-2006, 05:16 PM
استلم
البقا يالي علوم الطيب يكسبها ذراعه= ياعريب الجد يالطوفان ذباح السماني
الشجاعه فيك فعلا مير فيك شوي راعه= كلما ناداك واحد قلت ذا عنتر غزاني
الطوفان19-Jun-2006, 05:27 PM
مرزوق
حياك الله
شاكرين مرورك
تحياتي
الطوفان19-Jun-2006, 05:29 PM
ذياب
اررررررررحب
وانت راعي الجزله
سعدت بيواجدك
تحياتي
صامل الغنامي19-Jun-2006, 05:37 PM
مرزوق // صح بدنك ... وحياك الله
شكرا لتشريفك
تحياتي وتفديري
صامل الغنامي19-Jun-2006, 05:38 PM
ذياب/ شكرا لمرورك العذب
تحياتي
الطوفان19-Jun-2006, 05:45 PM
ماعلاكم زود ياربعٍ تحبون القناعه= وانت ماانت بعيد عني مثل واحد من خواني
مايروعني ياكود البعث في يوم الشفاعه= غير هاذي مايروعني فلان ولا فلاني
خالد العصيمي19-Jun-2006, 05:53 PM
مايروعني ياكود البعث في يوم الشفاعه= غير هاذي مايروعني فلان ولا فلاني
الله الله
على الابداع الاكثر من رائع
متابعين
صامل الغنامي & الطوفان
للئبداع
صامل الغنامي19-Jun-2006, 05:54 PM
ا
ستلم
البعير الي غدالك وش تسبب في ضياعه=يوم شفتك عنه تنشد طار نومي ماهناني
صاحبك صامل فضولي لاتبرق في طباعه= وانت ابن عمي شقيقي مسندي سيفي سناني
صامل الغنامي19-Jun-2006, 06:01 PM
الشقاوي// حي والله هالراس يابن العم
الابداع من انتاجك ياشاعرنا المبدع
تحياتي
الطوفان19-Jun-2006, 06:25 PM
الامور هوينه من محزمي ضاعت سراعه= مثل غيري يوم ضاعت عشر من فوق الثماني
انت ياصامل مسويها على المسلم لكاعه= يوم ياصامل تعزوابي ويومٍ ماتباني
الطوفان19-Jun-2006, 06:28 PM
الشقاوي
هلا وغلا
مرورك اسعدنا
تحياتي
صامل الغنامي19-Jun-2006, 06:37 PM
استلم
الإمام المهدي الي قد أمرتم باتباعه= هو طلع صحيح ولا غرني علم لفاني
يامصلي منفرد يابوك صل مع الجماعه= سبعه وعشرين تحسب لك ياطلاب الحساني
الطوفان19-Jun-2006, 07:04 PM
لو نشوف المهدي المعصوم له سمعٍ وطاعه= وانته احرص لاتجي ضده تضيعك الاماني
انت تفتي لابسن بشتك وصوتك في الاذاعه= وانت ماتعرف ولا تدري عن السبع المثاني
البدر200619-Jun-2006, 07:32 PM
صحت السنتكم ومشكورين علي هذا الابداع
صامل الغنامي19-Jun-2006, 07:44 PM
استلم
أنت تهرج عن فلان وعن شعوره وانطباعه= مير قول فلان مما يشتكي مما يعاني
ياولد ماشفت شي يظهر أسباب القطاعه = كان عندك علم نورني تراي الموت جاني
الطوفان19-Jun-2006, 08:14 PM
ليه ماتنشد ولد عمك عن علوم البضاعه= ثم تسمع من لسان الشخص ماهو من لساني
صاح له صيحه وشفنا اللي يبا يلوي ذراعه= ثم قلنا قولنا لكن ماحصل مكاني
صامل الغنامي19-Jun-2006, 08:42 PM
ألايداء المقصود ماهو أبو تركي لايشغلنا (عنزي) صاحب الطوفان
كيف نفزع ضد الايداء ؟ فسروها ياخزاعه=قل لوسم المطرقين الي على خد العماني
صاحبك سيف مجرب أه يالولا اندفاعه= كان مامثله وليده من عفيف ليا المحاني
الطوفان19-Jun-2006, 10:39 PM
لالا ياصامل لاتحرفها لابو تركي قصدي واضح وافهم المعني
انت وش وداك للأيدا تحولها وداعه=كان ماتفهم كلامي روح دور ترجماني
العتيبي عندنا غالي ولا نقبل نزاعه=مانفرق في عتيبه في الخفايا والبياني
صامل الغنامي19-Jun-2006, 11:16 PM
أبو عبد الرحمن أخوك جديد ويخبط ف المعنى لاتواخذه
كان صارت بين ربعك خل شغلتك الفراعه= والعتيبي للعتيبي صرح وعتيبه كياني
نطلب المولى العظيم ونرفع أكف الضراعه= يصلح الشان ويدوم الحب ونزف التهاني
الطوفان19-Jun-2006, 11:41 PM
ههههههههه
لاوالله يابن العم الامحقق بدرجة امتياز
والله انا قد فعلناها بحسب الاستطاعه= والعرب عنها تصد الشوف وتسد الاذاني
نطلب المولي يلم الشمل وتزين الزراعه= قبل لاتصبح على العتبان محنه وامتحاني
صامل الغنامي20-Jun-2006, 12:22 AM
استلم
شفتلي صياد ف الما العكر يبحث عن طماعه= شايفه بالعين يالطوفان لكن مارأني
يسلم الطوفان والاصلاح فنه واختراعه= جمع الشمل وعزم برقا وروق وكل عاني
الوافي-92520-Jun-2006, 12:39 AM
الله الله
صح السنتكم
اخوي /الطوفان
و
صامل الغنامي
واصلوا واستمتعنا معكم
وتقبلوا خالص تحيه
صامل الغنامي20-Jun-2006, 12:45 AM
البدر 2006 / صح بدنك ... وحياك الله
تحياتي
صامل الغنامي20-Jun-2006, 12:48 AM
الوافي/ صح بدنك ... وحياك الله
المتعه في شوفتك 0 ومرورك العذب
احترامي وتقديري لك
تحياتي
الطوفان20-Jun-2006, 01:32 AM
يوم شفته ليه مانكرته وتنصت لاستماعه= ياسفير الدوله اللي لاتحب ولاتداني
بيتنا واحد وانا ماني غريبٍ في الضياعه= وان عزمنا ماعزمنا الا طويلين اليماني
الطوفان20-Jun-2006, 01:35 AM
الوافي
والبدر
سلمتو واسعدنا مروركم
تحياتي
صامل الغنامي20-Jun-2006, 02:01 AM
استلم
شايفه ف الديره الي صابها فقر ومجاعه= دونه الي يحتمون الضيف لوهو قلباني
راع ابن عمك ولو يجفاك ياطوفان راعه= لاتفسرها غلط وتقول غريت المعاني
الطوفان20-Jun-2006, 02:40 AM
ليش ماجيته وكلمته ولو هو ربع ساعه= وان حداك الجوع ابا اجيرك وحطك في ضماني
عاين البابور في وسط البحر رافع شراعه= رافعله بيرق تستقبله كل المواني
صامل الغنامي20-Jun-2006, 03:05 AM
استلم
صاحبي جوعان ويكابر كذا ياقو ناعه= صايمين الدهر كله مفطرينن برمضاني
خايف البابور يقلب والبحر من شاف قاعه= وسايق البابور هلاس وسريع وهلقماني
الطوفان20-Jun-2006, 03:21 AM
مايصيح الا الجريح اللي محطمةٍ ضلاعه= اثر حاديك الحسد واللي بلاكم مابلاني
مار خلك في مكانك عند اخوك من الرضاعه= لاتقرب يمنا وتذوق ضرب الجبخاني
صامل الغنامي20-Jun-2006, 03:39 AM
استلم
ويش ابحسدكم عليه لعلمكم ولا الطواعه= عشت ياعقبه يابن نافع بنيت القيرواني
ضاق أبو قلب كبير وحط في عينه صباعه = وأصبح أعمى مايشوف وصلحوله مهرجاني
الطوفان20-Jun-2006, 03:58 AM
انت قاهرك الجبل طوله وعرضه وارتفاعه= عاجزٍ ترقاه ويخوفك شوف العقرباني
مانسد عيوننا بيديننا خل الصعاعه= من رفض سلم القبيله نجلده بالخيزراني
صامل الغنامي20-Jun-2006, 04:21 AM
استلم
الجبل مادام صار العقربان أقوى دفاعه= نجم واحد مستعد يزلزله ف أربع ثواني
القبيله كم جزء في حربكم بعد اندلاعه= يامفرقة الجماعه وش بقي ياهوه ثاني
الطوفان20-Jun-2006, 04:36 AM
الجبل دونه نموره والجبل دونه سباعه= كل نجم يحترق في الجو ويعود دخاني
مانفرقها نجمعها ونصنعها صناعه= وانت مولود جديد وممتلي قلبك حناني
صامل الغنامي20-Jun-2006, 05:15 AM
استلم
لو أبو عبود يقرأ كل مايكتب يراعه= كان يدر أنه مجرد نرجسي طماع أناني
أنت والد وإن جلس جنب ولده كنه وراعه= شايب دمك خفيف وشيخ كار وبهلواني
شيخ القبيلة20-Jun-2006, 09:02 AM
الطوفان20-Jun-2006, 10:14 AM
اثر صامل يوم جانا مندفع يطرق كراعه= زر حلقه زر بوش وهدده كوفي عناني
انت مولود لنا بين القساوه والمياعه= منزله بطن الشعيب يموت به والعمر فاني
سعد بن مطلق المقاطي20-Jun-2006, 12:20 PM
صامل + الطوفان
صح السنتكم
لوسمحتو
ارفعو الرمي
متابعين
تحياتي
البدر200620-Jun-2006, 02:23 PM
الغنامي+الطوفان
صح السنتكم ومشكورين
صامل الغنامي20-Jun-2006, 03:22 PM
استاذي معلمي شاعرنا الكبير ( الطوفان)
سعدت بمجارات شاعر عملاق بحجمك 0حاز على كل اعجابي
اللعب معك لايمل0 والتعلم منك قد حصل
أبو عبد الرحمن 0أشكرك لإعطائي هذا الوقت من وقتك الثمين
فخور بك ياتاج راسي 0 واستميحك عذرا لو منت عليك ببعض الأبيات القاسيه
لمجارات فيضك الشعري الغزير
تحياتي واحترامي وتقديري لمقامك الفخم
الطوفان20-Jun-2006, 03:51 PM
اشكرك من كل قلبي اخي صامل الغنامي على رحابة صدرك واريحيتك وثقافتك العاليه
وسعدت كثيرا باللعب معك فانا لست الا تلميذا يتعلم في هذا المضمار
ارجو منك ان تسامحني وانا من جهتي مسامحك
وانا ايضا فخور بك وبشعرك اتمنى لك التوفيق في الدنيا والاخره
تقبل فائق تحياتي
اخوك
مرزوق حمدان العتيبي20-Jun-2006, 04:06 PM
...
.
صحت السنتكم وبيض الله وجوهكم ..
فنحن فخورين بالمبدعين امثالكم .
....
صامل الغنامي21-Jun-2006, 12:45 AM
شيخ القبيله// شكراُ لك على هذا المقال
صامل الغنامي21-Jun-2006, 12:50 AM
سعد الكريزي // صح بدنك ... وحياك الله
أبو مطلق مافيه الا الزين أبشرك
متابعتك وحرصك يسعدنا يابن العم
تحياتي
صامل الغنامي21-Jun-2006, 12:51 AM
البدر / صح بدنك ... وحياك الله
شكرا لمرورك
صامل الغنامي21-Jun-2006, 01:00 AM
العتيبي مرزوق/ صح بدنك ولاهنت وبيض الله وجهك
الفخر بوجودك على هرم هذا المنتدى الرائع ياغالي
الإبداع صفه من صفاتك يابو محمدلاعدمتك
تقبل مني أزكى التحايا
