02-Aug-2006, 01:33 AM
قصة الشاعر الكبير محمد بن سليمان والملقب (( الدرم )) شاعر معروف ولا يزال موجودا .
هذا الشاعر عصامي بدأ بدايه ضعيفه ثم كون نفسه سجل في شركة ارامكوا مع بدايات الثمانينات الهجريه وحصل على رخصة قياده من مدرسة بوول للقياده وكانوا يعلمون الناس للقياده ويفضلون أن الشخص الذي يتعلم عندهم أنه يشتغل في أرامكوا لكن أذا مابغى الشغل معهم يأخذون عليه بدل لتعليم القياده .
تعلم الشاعر القياده في أرامكوا وأنف ورفع نفسه على أن يعمل تحت أمر خواجه يأمره وينهاه المهم أخذ الشاعر الرخصه وبدأ يقود السيارات بدايه من الفروت حتى اللواري .
ومن قصصه في أحد سفراته لميناء جده على الفلفوو كان جالب غنم ويشري من الميناء شعير ويبيعه على البدو ويشري غنم من البدو ويبيعها ويغيب بالشهرين والثلاثه عن أهله واللي مثل حالته وطبيعة شغله ماكان يهتم بنفسه ولا ملابسه ولا حوله أحد يزين نفسه عشانه المهم طفش من المشاوير ومر على بدو على طريقه وحصل شابه بدويه وبغى يسألها يبغاها تعزمه عند أهلها وتقول أقلط عند الرياجيل قطعت الخط من قدمه ومعها غنمها نادها الدرم وقال يابنت
ماعندكم حليب ولا مضير ولا تجوزيني يبغاها تقلطه عند أهلها أستحت البنت من كلامه ثم أستردت شجاعتها وقالت له يوم شافت شكله ومنظره اللي مثلك يحط له وساده ويترك العرب والسواقه عنه , الرجال عرف أن ماله بعد هالرد جلوس بهالديره وكمل طريقه مستعينن بالله وقال هذه الأبيات في موقفه مع البنت :
بنت ماحطيت لصدوغي وساده = واتوخر كل ماأنكف الضلالي
ولاخذيت النوم في المشراق عاده = أطرد العيشه وأبي مكسب حلالي
فوق أخو فلفى وأكمل له عتاده = محتسن فيه الأواني والدلالي
في مشاهي نجد وأمشي في براده = وكل ماهب الهوى ينساح بالي
والفتى وان كان مايغلي بلاده = مايجي في ديرة الأجواد غالي
حالفن ماأرضى لنفسي بالزهاده = دام ماحطيت في قبرن هيالي
من مدارس بول حصلت الشهاده = قبل دله يفتحون الها مجالي
أشتغل وأخذ بيمناي الزياده = ولا خضعت لمشرفن مثل النعالي
ولا طلبت مساعدة صاحب سعاده = ولا طلبت معاونة صاحب معالي
أطلب اللي رحمته تشمل عباده = كافل الأرزاق يعلم مابحالي
الله اللي يرزق عيال الجراده = لاتركتهم فالخلا من غير والي
هذا الشاعر عصامي بدأ بدايه ضعيفه ثم كون نفسه سجل في شركة ارامكوا مع بدايات الثمانينات الهجريه وحصل على رخصة قياده من مدرسة بوول للقياده وكانوا يعلمون الناس للقياده ويفضلون أن الشخص الذي يتعلم عندهم أنه يشتغل في أرامكوا لكن أذا مابغى الشغل معهم يأخذون عليه بدل لتعليم القياده .
تعلم الشاعر القياده في أرامكوا وأنف ورفع نفسه على أن يعمل تحت أمر خواجه يأمره وينهاه المهم أخذ الشاعر الرخصه وبدأ يقود السيارات بدايه من الفروت حتى اللواري .
ومن قصصه في أحد سفراته لميناء جده على الفلفوو كان جالب غنم ويشري من الميناء شعير ويبيعه على البدو ويشري غنم من البدو ويبيعها ويغيب بالشهرين والثلاثه عن أهله واللي مثل حالته وطبيعة شغله ماكان يهتم بنفسه ولا ملابسه ولا حوله أحد يزين نفسه عشانه المهم طفش من المشاوير ومر على بدو على طريقه وحصل شابه بدويه وبغى يسألها يبغاها تعزمه عند أهلها وتقول أقلط عند الرياجيل قطعت الخط من قدمه ومعها غنمها نادها الدرم وقال يابنت
ماعندكم حليب ولا مضير ولا تجوزيني يبغاها تقلطه عند أهلها أستحت البنت من كلامه ثم أستردت شجاعتها وقالت له يوم شافت شكله ومنظره اللي مثلك يحط له وساده ويترك العرب والسواقه عنه , الرجال عرف أن ماله بعد هالرد جلوس بهالديره وكمل طريقه مستعينن بالله وقال هذه الأبيات في موقفه مع البنت :
بنت ماحطيت لصدوغي وساده = واتوخر كل ماأنكف الضلالي
ولاخذيت النوم في المشراق عاده = أطرد العيشه وأبي مكسب حلالي
فوق أخو فلفى وأكمل له عتاده = محتسن فيه الأواني والدلالي
في مشاهي نجد وأمشي في براده = وكل ماهب الهوى ينساح بالي
والفتى وان كان مايغلي بلاده = مايجي في ديرة الأجواد غالي
حالفن ماأرضى لنفسي بالزهاده = دام ماحطيت في قبرن هيالي
من مدارس بول حصلت الشهاده = قبل دله يفتحون الها مجالي
أشتغل وأخذ بيمناي الزياده = ولا خضعت لمشرفن مثل النعالي
ولا طلبت مساعدة صاحب سعاده = ولا طلبت معاونة صاحب معالي
أطلب اللي رحمته تشمل عباده = كافل الأرزاق يعلم مابحالي
الله اللي يرزق عيال الجراده = لاتركتهم فالخلا من غير والي
