ياسلام من الهجوس الصادره من صلب راسي
ابو طارق06-Nov-2003, 03:16 AM
سلام عليكم ورحمة الله وبركاته
الجميع ماعليكم زود واللي يرد منكم كفو
استلمولاهنتو
ياسلام من الهجوس الصادره من صلب راسي
=========== ما تفكر فى المذيع وماتفر فىالاذاعه
والليالي قاسيه من يومها والوقت قاسي
=========== والخبول اللي بدون عقول داخلهم طماعه
وصل العطياني؟؟؟06-Nov-2003, 03:41 AM
الليل يا بو طارق ...
سنايدي ...
عز الله إنك حركتنا....
وننتظر الرد سريعاً......
لا تروح بعيد تراه جاي....
تحياااااااااااااااتي
طلال الثعلي06-Nov-2003, 03:43 AM
ياهلا والله يابو طارق
واستلم:
مرحبا ترحيبةً تمشي بوفداً دبلماسي
====================وتدخل القصر الرياسي ياعرب لوربع ساعه
والتجاره للحضارم والسياسه للسياسي
===================== وانت عندك علم عن راع التجاره والبضاعه
وصل العطياني؟؟؟06-Nov-2003, 03:59 AM
لا والله ألاّ زانت ؟؟
ما يحتاج ...!!!!!
لكن عجلوا علانا ترى الفجر ما هوب بعيد!!!!
ابو طارق06-Nov-2003, 04:05 AM
البقا وأهل الكراسي ما يفكون الكراسي
=========== وأنت مالك ياوسيع المعرفة فيها استطاعة
جيت متحمس يابن ثعلي وزودت الحماسي
=========== والسباع سباع تلقى زادها وقت المجاعة
ابو طارق06-Nov-2003, 04:06 AM
السحور قرب واستسمحكم وان كمل انشالله بعدين
وصل العطياني؟؟؟06-Nov-2003, 04:08 AM
حتى ذلك الحين لنا لقاء..
معكم ومع المتعة....
تقبلا خالص تحياااااااااااتي
كريم سبلا06-Nov-2003, 04:16 AM
بداية قوية جداّ
ننتظركم .
طلال الثعلي06-Nov-2003, 04:21 AM
استلم:
والله اني ياوسيع المعرفه ماني بناسي
===================== والكراسي لو تطيح الصبح مافيها شفاعه
صاحياً للوقت عيني مادخل فيها النعاسي
===================== وانت من بعض الدعاوي يالعتيبي فيك راعه
ابو طارق07-Nov-2003, 10:04 PM
خلوووووووووها
الجبال الراسيه فى اللجمع نكتبها رواسي
=========== والمدرب كفو لوحصن هجومه مع دفاعه
وشجرتن ماسقيتها بالماء نهايتها اليباسي
========== والشجيع يبين في واقت الله الله والشجاعه
طلال الثعلي07-Nov-2003, 11:38 PM
استلم:
الجبال اللي خلقها الله ولبًسها اللباسي
=====================بأامر خالقهاتعود كنًهاراس السراعه
وانت جارك سامعا في بيته البارح حساسي
===================== انت ماعندك مناعه والا انا عندي مناعه
ملاحظه:
السراعه: هي راس الرصاصه
ابو طارق08-Nov-2003, 12:13 AM
خلوووووووووووها
قست شي وشي لونك تقيسه ما يقاسي
========== وادع الله ربك اللي ما يضيع لك وداعه
جارنا نحميه واصحى لايجي فيك التماسي
========== وكل من حاول يجي يمه كسرنا له كراعه
طلال الثعلي08-Nov-2003, 12:33 AM
معككككك
مانقول الا الصحيح ولانجيب الالتباسي
===================== والكلام الصدق ماهو يارجل مثل الاشاعه
انت اظنك ماتميزها ذهب والا نحاسي
=================== انا قصدي في جهينه وانت قصدك في خزاعه
مدركة09-Nov-2003, 10:26 PM
محاورة جزلة
بيض الله وجيهكم
وصل العطياني؟؟؟10-Nov-2003, 07:45 AM
أبو طارق؛ طلال الثعلي
محاورة في غاية الجزالة....
واصلوا الله لا يهينكم...
تحيااااتي.
المقاطي 200611-Nov-2003, 07:48 PM
:)في الحقيقه ابو طارق شاعر وننتظر منه المزيد
’’الفارس’’11-Nov-2003, 08:58 PM
بيض الله وجيهكم
محاوره في غاية الروعه
واصلوا الله يعطيكم العافيه
اخوكم الفارس
ابو طارق14-Nov-2003, 12:17 AM
المقاطي 2006 المحترم
الفارس المحترم
الله يحييكم ومروركم شرف كبير لنا
وتقبلو تحياتي
اخوي العزيز الثعلي المحترم
بيض الله وجهك وفيت وكفيت ولنالقا انشاء الله
