اقرب ياعبدالله الحربي .....

ارحب بالشاعر عبدالله الحربي بين اخوانه وفي محله الثاني...وعلى وعدنا ياعبدالله:)



ياهلابك عد مالبراق لاح = لاح في نو(ن) على الديره مخيل
ياحريبي اطلب الله فالصلاح = وانتبه من طعنة السيف الصقيل

الحر النادر

صح لسانك وبيض الله وجهك على هذا المحراف الجزل

وصح لسان الحربي مقدماً

نحن متابعين وبقوة

البقا يا الحر النادر واستلم لا هنت :



البقا ياللي ترحب والسماح = الليالي مبعدتني يا الزميل

والله انه ما يخوفنا السلاح =دايم (ن) نرقى على راس الطويل

صح بدنك.. صح بدنك ..اخوي مشاري .....ووجهك ابيض.... وعلمك غانم

وارحب بك في محلك الثاني والله يحييك


ومتابعتك شرف طال عمرك

حي زولك فالمجي وفالمراح = يالله اني في رجا الهادي الدليل
من وراكم يامكثرت الصياح = محتمين الحد والعايل يعيل

الموارد عندنا ماهي شحاح =اروي الضميان ما عدي قليل

بيّن اسمك واشرب العد القراح =لا تخفى يوم طبيت النزيل

ودي انك تشرب السم الذحاح = وافرح بشوفك تغطى بالنثيل
اخر الوقت الجمل عرف النطاح = صدقوني لاتقولوا مستحيل



اخوك / صنهات الغنامي العطاوي الروقي العتيبي :)

والنعم يا اخوي صنهات واستلم :


مستريح وصاحبي لا ما استراح=متعب(ن) روحه ويسري كل ليل

النثيل اللي على راسك طياح = سبعة اعوام وعينك تستخيل

ماعليك زود اخوي عبدالله





رحت مع يدها ياجعلك بالرياح = يابدوي(ن) توك تحط وتشيل
صح مابك فود ياراس الرباح = لو شطا في تربتك نبت النخيل

الحر النادر اخوك دلبوح جاك جايب طبلونه وتعسمد فالصف اهجد الرجال
عبدالله الحربي احييك يا بطل لكن صف الحر النادر يغري
الليـــــــــــــــــــل

ااااااااااااااااااسف على التأخير واستلم :




كان تبغاها سواليف ومزاح =شد حيلك ثم طبل يا طبيل

وكان تبغاها بواريد ورماح =لا تراعد بعد ما اوحيت الصهيل