ابن سرحااااااااان مفتون

سلام الله على اهل المنتدى والشاعر الدندون=ليامنا وقفنا فالمواقف يحتم الهيه
يابن سرحان اظنك في زمانك ياولد مفتون=تدور للحساني والعرب تجزيك بالسيه

الله الله
يالعضياني صح لسانك

ولسان ابوسرحان مقدماً

صح بدنك يالنشمي


.........

صح لسانك يابحر جده

الله الله

استلم لا هنت


هلا يامرحبا واهل الوفا بالوافيه يجزون = على سلم العرب والهافيه تجزا برديه
ولكن كل عاصي يالعضياني تراه ايهون = وغشمان القلوب ايحسبون السيف جنبيه

الله الله


عسى الله يبقي اهل المعرفه والكايدات اتهون=وحنا كلبونا صف واحد يبيض النيه
ليا صار الغشيم من الربع قله عليك الهون=لاتمشي في طريقه يالثبيتي مشية الحيه

متعب المهيدلي

صح بدنك يالذيب

بيوت العز مبنيه على روس الجبال احصون = ومن جاها بشر ايروح في وجهه اماريه
انا من لابة تسوى من امثاله ميه مليون = اثبيت اللي على مر الليالي نارهم حيه

الله الله
ياستاذ



الا ياصاحبي عن ماحصل كل العرب يدرون=وانا ماجيت افتش فالعلوم المشبهانيه
يقولون العرب هامان مايضحك على فرعون=واظن الجايده ياصاحبي ماهي كما النيه

بيوت الشعر للعراف مثل الجادل المزيون = يصونونه عن الدرب المشين وهرجة العيه
وتال والوقت ماندري عن الصاحي من المجنون = يحسبون الشعر مثل البلوت ولعبته زيه

يابن سرحان اقول الشعر مع سلم العرب مقرون=وعزي للذي ماجاب لا هاذي ولا ذيه
وانا مبغاك تصبح يالثبيتي فالبلد مديون=ليا منك قلطت اقلط على فنجال بريه

تهرج يالعضياني بعد جالك ثلاث اعيون = على وضح النقا مبداك بين الشمس والفيه
انا ماقلتلك عن سالفه عباس مع شارون = اثرهم كلهم فالقدس خلان وحراميه

انا مالي ثلاث عيون وانته للقضاء مرهون=لاجاك الموت قدامي بسوي فيك مرثيه
وانا مالي دخل فيهم يحاسبهم رقيب الكون=ومنهو خان ربعه ياعسى تنجض له الكيه

اختامها يالعضياني

بيض الله وجهك

شاعر واستمتعنا باللعب معك


استلم لا هنت



اشوفك يالعضياني تبا تاكل بغير سنون = تقهوى واشرب من الكيف واعط الدرب رجليه
تريح مالك ومال الشقاء عان العرب يوحون = ترى اللي يخطي الاهداف ماله حظ موليه