الطيب ميزه جميله !!!!!
محمد شبيب السبيعي08-Feb-2009, 06:46 PM
مساكم الله بالخير ياخوالي وضيوفهم
نبي المحاوره مباشره
مرحبا مسهلا والطيب ميزه جميله=ومن تقدم بطيبه جمل الله حاله
ودي العب مع الشعار في كل ليله=خصه اليا بدى باليل الاسود هلاله
الأعرابي08-Feb-2009, 07:19 PM
البقا يالسبيعي يامنجي دخيله=بارك الله بقرمن طيباتن خصاله
العب الليل توه وانت راعي طويله=والشهر راح نصه والقمر في كماله
معجب العتيبي08-Feb-2009, 07:34 PM
الله الله
ابداع يالبناخي
ورد وافي من الاعرابي
صحة السنتكم
محمد شبيب السبيعي08-Feb-2009, 07:35 PM
الله الله
البقا يالمرحب عد وبل المخيله= في محل الرجال الي يضلل ضلاله
انا الراعي الطويله وانت راعي الكحيله= الحمد الي جمع مابين فالي وفاله
الأعرابي08-Feb-2009, 07:46 PM
ياولد عمنا مدري ياجار القبيله=البناخي علامه يلتفت يم خاله
كل واحد على طبعه وهرجه دليله=لاتدخل يدك بين الرشا والمحاله
محمد شبيب السبيعي08-Feb-2009, 07:48 PM
معجب الله لايهينك وصح بدنك وجودك يسعدنا طال عمرك
فايز بن سرحان الثبيتي08-Feb-2009, 07:49 PM
صح لسانك يابن شبيب
صح لسانك يالاعرابي
متابع
الأعرابي08-Feb-2009, 08:00 PM
معجب العتيبي ابن سرحان الثبيتي لاهنتم ومشكورين
محمد شبيب السبيعي08-Feb-2009, 08:05 PM
مجلسن فيه عز الرجل والكيف هيله=يرفع الراس لمنه شرب من دلاله
واليدين الكريمه واليدين البخيله=كل رجلن يلوم النفس لاضاع ماله
محمد شبيب السبيعي08-Feb-2009, 08:06 PM
صح لسانك يابن سرحان ومرورك شرف طال عمرك
الأعرابي08-Feb-2009, 08:21 PM
يامحمد شبيب الوادي أمست نخيله=يابسه والسحاب أجنب وجنب خياله
مايرد الحقوق الا السيوف الصقيله=ومن خذوه البدو يبطي مارجع حلاله
محمد شبيب السبيعي08-Feb-2009, 08:42 PM
يابس الغرس ولاتابس قلوبن عليله= جمت البير ماتملاء ياكود البياله
ارفع ايديك لله دام ماسال سيله= حسبي الله على فرعون وكبر عياله
الأعرابي08-Feb-2009, 08:50 PM
السبيعي هذا شاعر لكنه يبيله = شهر شهرين ويسري سفر والعضاله
مير ياركبن لكزز جديدن مديله=سر هذا لهله قوم الكرم والشكاله
الأعرابي08-Feb-2009, 08:51 PM
ابو شبيب صح لسانك والختام عندك وتصبح على خير
الشــاهد08-Feb-2009, 08:54 PM
ياولد عمنا مدري ياجار القبيله=البناخي علامه يلتفت يم خاله
كل واحد على طبعه وهرجه دليله=لاتدخل يدك بين الرشا والمحاله
الاعرابي شاعر جزل ومافيك حيله
الأعرابي08-Feb-2009, 09:06 PM
سلطان عايض شرفتنا بتواجدك لاعدمناك
محمد شبيب السبيعي08-Feb-2009, 09:34 PM
صح بدنك وبيض الله وجهك يالاعرابي وتصبح على خير
الاعرابي على الهوت ميل يمكن ايميله=مرنابعد وصله رقم بسم الوكاله
يعشق الشام ديره كيف عاد البليله=صاحبي خوش صاحب يوم ميل عقاله
حمود الحريجي08-Feb-2009, 10:59 PM
صح السان الشعاار
والله يعطيهم العافيه
واااصلوووووا ونحن متااابعووون
تحياااتي
حوت البحور08-Feb-2009, 11:31 PM
صح لسانك يابوشبيب شاعر ويبا لك شهر شهرين على قول الاعرابي هههههههههههههه
وصح لسان الشاعر الاعرابي مبدع قليله في حقه
استمتعنا بالمحاوره النادره من نوعها
تحياتي لكم وبالتوفيق
بندر سعود الدغيلبي16-Feb-2009, 03:14 AM
صح لسانك يالبناخي
صح لسانك يالاعرابي
متابعين
تحياتي لكم
محمد شبيب السبيعي16-Feb-2009, 05:28 PM
صح بدنك يابندر الدغيلبي لاخلا ولاعدم
