قصيدة /الشيخ الشاعر منيع بن بريك الذيابي العتيبي

بسم الله الرحمن الرحيم


قصيدة /الشيخ الشاعر منيع بن بريك الذيابي العتيبي

تمثل إبيات الشاعر في بندقيته ويوصي ابنه فهد الملقب بــ (الحساء) بالحفاظ عليها وعلى الدخيل واعطاء الحق لآهله قائلا:


هاضني قمة وقـت مرقـابــهـا * وقت مرقابها والـعـرب نائيمـن

في يــدي خبـة وتعصى بـهـا * من صنوع الكفر منوة الطيبيـن

يا فهد معك أمانه توصـي بـهـا * الامانـه وداعـه مع الغانـميـــن

والدخيـله ليا طـق مـشعـابـهـا * لا تـرخا عزومــك وعنها تلـيــن

والــدلائـل اذا جـاكـ طــلابــهــا * لا تشــدد عليـها بجنـبٍ متــين

ناطح المقبله وإحسب احسابها * ونتبه للخطاء يوم قلـبك فطــين

الاجــاويـد ما تقــفـل ابـوابــهــا * والله الي على كـل شيئاً عويـن

صح لسانه وبارك الله فيك لكن ياليت أخوي تعطينا نبذة عنه

ما فهمت يا ابو صالح قصدك عن الشاعر هذا جدي ماات الله يرحمه ويوصي ابنه فهد الملقب بــ (الحساء) بالحفاظ على البندقيه وعلى الدخيل واعطاء الحق لآهله

الشاعر منيع بن بريك الذيابي العتيبي توفي قبل توحيد المملكة
وهو من قبيلة الذيبه من الروقه ومن اهالي قرية ام الدوم
وله صولآت وجولآت في المعارك قبل توحيد المملكة
وله قصائد كثيره سوف أكتبها عن قريب
واختار لكم ابيات من قصيده


هيّض عليّه وانا بأعلا الحيود=من صبح في ماقع الشيهانيه
بادي بصاف القرى ماهي عتود=ماهي زموم ورى الشيحانيه
لي بندق في مراميها ركود=منحيث اعلق لها النيشانيه
عبيد جانا يليم له جرود=يقول باعه على العتبانيه
ثم اقعدوا له عريبين الجدود=ميقاعها ماقف الحجانيه
يازين ليتك تطالع في الشرود= ليتك مويق على الشردانيه
ماهو بلعب العصاري والرجود= لعب النشاما على الذرعانيه
نصبر اليا قام زلزال الرعود= والكون عقب اللقا براهنيه
والكون بالسبت مدري بالاحود= والدم مع زرقة الدخانيه
ربعي عتيبه مع الشطه تزود=من باب مكه اليا الصمانيه

بارك الله فيك أخي عبد العزيز شكراً لتلبيتك طلبي

الف شكر علي هذا القصيده الجزله

يا عبد العزيز

وصح لسان الشيخ /منيع بن بريك الذيابي

وبنتظار المزيد