( يامسلمين ) !!

نصيحة الى كل مسلم ومسلمة




بإسم الاله اللي خلقنا من الطين = وجعل لنا عقل وكرامة وقيمة

وبإسم التضامن بيننا يا أهل الدّين = وبإسم التكافل والقلوب الرحيمه

وبإسم الشهامة والكرم والكريمين = تفضّلوا عندي بدعوة كريمه

ما أسألك مين انت؟ ولاّ ولد مين؟ = وخلّ النوايا والمقاصد سليمه

خلّ (اصلك وفصلك ومركزك) بعدين = وانس ارصدتك التاليه والقديمه

احسب حصيل اللى مضالك من اسنين = ونتايج النجدين تطلع عظيمه

لو سيئآتك واحسناتك ملايين؟ = تحرز خسارة او تفوز ابغنيمه ؟

تبقى معك في يوم نصب الموازين = نهار نفس الآدمي هي خصيمه

يامسلمين المسلم إيحنّ وايلين = وأقلوبكم مثل الصفاة الصميمه

تمشون فوق الارصفة والميادين = ماحد(ن) تكفّل في يتيم أو يتيمه

واتقول انا مسلم واذا شفت مسكين = ماكنّك الاّ شايف(ن) لك بهيمه

ودّك تموت ولا عطيته ريالين = غُلّت يمينك , وأنت ريحك عقيمه

واذا لقيتلك ارمله وأمّ طفلين = على رصيف(ن) حول بيتك مقيمه

ماترحم الونّة ولا دمعة العين = ولا الرضيع وصرخة الجوع أليمه

عنها تحوص ولو نبت لك جناحين = تطير لو تقدر ، يامال الحريمه

إسمع كلامي قبل تُدفن بمترين = وتصبح ولا حاجه عظام(ن) رميمه

هذي نصيحه وإتّبع صالحك وين = لاترتكب في حق نفسك جريمه

حاسب ضميرك يا (طويل الامل) زين = يمكن تدارك عاقبتك الوخيمه

ويمكن ترمم ماضي اعمالك الشين = وتمسك سراط السكّة المستقيمه
وسلامتكم

صـــح اللـــه لســـانكــ وعتــلا شــانكــ

قصيــده جـزله مـن راس جـزل

تقبـــل أعجـــابي

الله يابو طلاااااااااااااال


ما اكثر الجزاله في قصائدك


صح لسانك كثر جزالتك


متااااااااااااابعك الدائم

قصيدة رائعه جدا

صح السانك ياعبدالله بن طلال على هالدره


احترامي

صـــح اللـــه لســـانكــ وعتــلا شــانكــ

قصيــده جـزله مـن راس جـزل

تقبـــل أعجـــابي




صح بدنك


ولاهنت يابو غازي


ومشكور على مرورك العطر



لك خالص تحياتي