بيتن يكفي عن قصيده لحاله = يشهد لاهل عمهوج يوم الاكاوين

قصيده لها مناسبه وهي تعبر عن نفسها

للشاعر الكبير عواض بن منيف بن عايض الروقي العتيبي




برغش وش اللي فأول الوقت قاله =يوم الطنايا جزروا فالميادين

من ضرب اهل عمهوج رحنا دباله = مير اقمحن يا لابسات السباهين

بيتن يكفي عن قصيده لحاله= يشهد لاهل عمهوج يوم الاكاوين

من هيض مدري غيظ ثمن مقاله = ثم عد ما واجه وما شافت العين

يا عنك ما زليت يا بن الطواله = وقولك يكفي عن جميع المغنين

وياللي تخم الهرج خبث وجهاله = مالك على مصدر كلامك براهين

جاهل وتمشي في دروب الضلاله = ومن القهر غيرت كل العناوين

ولا سولف المسكين بيّن خماله = ومن حر مابه يخلط الشين بالزين

وتاريخ اهل عمهوج لا جاء مجاله = ما يختلف في عد مضمونه اثنين

ولا يجحده غير الردي والحثاله = وإليا جهلت انشد وتلقى المضامين

في نجد وإلا في جنوب وشماله = فعله يشرفنا من اول وهالحين

الضيط وقتن فات بالسيف جاله = مواقف تهتال منها السلاطين

كم فارس ذكاه وألحق عياله = وإستلحق اللي بالركايب مقفين

زيزوم قوم وشيخ والصعب طاله = وعمهوج سيفه واصلن صيته الصين

وبالصيت والشهره وفعل الجماله = وبالطيب والنخوه وفالعسر واللين

ما فيه مثل الضيط كساب طاله = إلا رجالن فالمواقف شجيعين

ما ذمهم والقرم تعرف فعاله = ولا يبخس حقوق البشر غير مسكين

هذاه موجز مختصر فالرساله = ان ما أقنعك زودتك الصاع صاعين

صح لسانة وبيض الله وجهه ولا هنت يابن روق

تقبل مروري

تحياتي

مكحل الذيب

صح لسانه و أهل عمهوج مخبورن فعلهم أنعم و أكرم بالضيطه و بالعضيان صناديد روق
..
وبيض الله وجهك..و لاهنت..
.
محبك
:)

مكحل الذيب


ولد عساف


شكر لمروركم الكريم

ونعم والله ولاتسد

بالعضيان وشيوخهم الظيطة

صح لسانه ولسانك


يعطيك العافية

سلمت وصح لسان الشاعر عواض
ونعم ولاتسد بظيط رحمه الله واعياله