الشوق

مشاركة جديدة



اتمنى تنال اعجابكم



وانتظر نقدكم الهادف




تقيس الشوق


هلا يــــا مزنة الوادي هلا يا ريحة الهــتّـان

هلا يا بارقٍ يقطع على الشاعر أحاسـيـسـه


أهلّي بك وأنا المغرم أهلّي بك وأنا الفرحان

أحسّ الكون يضحك لي وأنا أقرأ كراريسه


حبيبٍ حـلّ في قلبي يـمـيـن الله مـــا يـنـهان

يـمـيـن الله ما يخرج ولو تُـفـتـح متاريـسه


حبيبٍ شـدّ من داره وأنا في ديـرتي ولـهـان

تذّكرني دموعي كيف شـدّ بخـدره وعـيـسه


سرى في ليــلـةٍ ظـلـمى بها نور القمر مابان

بكـــى قدام مـمـشـاهـم عليه عيون حِريّـسه


ركب في هودجه راحل وطفّى ضوّه الشعلان

ترك كيسٍ عليه حروف وعهد الحب في كيسه


كتـب لي حـيل ما أحـمل وحول نـبتديه الآن

نبي نصبر وودعني وطيّـب لي قـراطيسه


وأشـوف المزن بشـّـرني وبارك مقـدم الخلان

متى يرحع يناظرني ويحكي عن هواجيسه


وأقول إرتاح يا عمري كفاني مابقى حرمان

تقيس الشوق لو تقدر أنا ما أقدر على قيسه



اخوكم /محمد الثبيتي

صـــــــــح لــســـــانــك

صح اللسانك ولاهنت يامحمد

قصيدة جميله و رائعه


لا هنت يا الثبيتي

صح بدنك يا فهد رشيد الزلامي



وصح بدنك يا خيـّـال الأصيلة



والله لا يهينك يا الرأي السديد


مروركم شرف لي