عوى ذيب خشرم في رفيع الحجا المنقاد ( جديد عبدالله ابن عون)

بيوت صداها كل ما ينتهي ينعاد=هماليل ديم دافق رافق وبله
من الشاعرين اللي على المنهج المعتاد=بيوت مهيب بيوتهم ويش تكتب له
الا وحيت بيت الأكلبي والا ابن عباد=اقول الذلول بلا كذا ويش تشعب له
من الناس من يركب ذلوله بدون شداد=ولا هوب وياالفوز لو كان يتعب له
عوى ذيب خشرم في رفيع الحجا المنقاد=بعد سمع ذيب في قرى الكور يقنب له
علاج عوى الذيبين للحاضره والباد=وشفا للكبود اللي من الشعر مندبله
على مسمعي دايم بيوت الثنين جداد=كما نوج دهن الهود للي يقرب له
شعتهم هجينيات ابن عون والمسناد=وكل من الاثنين وده يوجب له
سلامي وشكري كل ماهبت الأنواد=على من كلامه زين الأمثال يضرب له


عبدالله بن نايف بن عون

صح لسان ابونايف على هالقصيده

ولاهنت يافتى الظهران على النقل

فتى الظهران

صح لسان الشاعر المبدع /عبدالله بن نايف بن عون

علـى مسمعـي دايـم بيـوت الثنيـن جــداد × كمـا نـوج دهـن الـهـود لـلـي يـقـرب لــه

و الله صدقت و لا تنسى نفسك يا أبو نايف

تحياتي

طبعا في خطأ في كلمه ( الهود) = العود

علـى مسمعـي دايـم بيـوت الثنيـن جــداد........كمـا نـوج دهـن الـعـود لـلـي يـقـرب لــه

ابن عون مافيه كلام شاعر فحل

صح لسااااااانه..

ولاهنت يالذيب...

والله أظنها ماهيب جديده .. مبطيّه


مير صح لسـانه .. وتسلم يمينك

صح لسانه شاعرنا الكبير / عبدالله ابن عون ...

والله أظنها ماهيب جديده .. مبطيّه


مير صح لسـانه .. وتسلم يمينك

حياك الله اخوي بن طامي والقصيده يا طويل العمر جديده

هذي هي القديمه:



قصيدة عبدالله بن عون


شعتني علوم الصيف وارقلت للمسناد */*/*ولاعاد يعذل واحد طافح شــــــــبله
آبي عبلة ضافي عليها كما السجــــاد*/*/* ديار يرود عدودها من يحب ابـــــله
ولاعاد لي من يوم سال الشفا مقعـاد*/*/* عتيبي وداري فوق ونحيتي قبـــــله
مادامه وكد لي سيل وادي قليب عناد*/*/* انا ويش يحرمني شفا نجد والعبــله
ابتبع هوى وضحا تحط البيد سنـــــاد*/*/* لها غير زين طبوعها خدة قبــــــــله
ليا سمعت الحادي نده ندهة الميــراد*/*/* تقود اول الزعجول لول وتقـــرب له
ابيها ترفع فوق عن ساخن الانفـــاد*/*/* وتجي في فياح كل مصلاح يطرب له
انا في الديار الطامنه في تعب وجهاد */*/*على كثر مرعاها مداخيلها خبــــله
عساها يساقيها المطر ديرة الاجواد*/*/* ولابيها لون ثمامها ينقلب ربــــــــله




مجاراة الشاعر سعد بن جدلان الاكلبي لقصيدة بن عون




شعتني قصيدة شاعر عذ ّب القصــــــاد*/*/* ماحد يستلذ السالفه لين تنســــــــــــب له
علومك يا بو نايف قراح ٍ على الأكبــاد */*/*لكن تجرح قلوب ٍ مع الوضح منهــــــبله
مواليف وضح ٍ كنها وضحى بن عبّــاد*/*/* لا شافها راعي الدبش طيرت شــــــــــبله
تواغض مع الريضان كنها خيام أسياد */*/*لونها بعيد ٍ بادي الرجم تقـــــــــــــــرب له
أو حمّى مغاتير ٍ مقاديمها شـــــــــــراد*/*/* هريب السحاب اللي تواليه منســــــــــبله
قبلها ليا من المناره سناهــــــــــــا زاد*/*/* قبل الاشهب المرشوش لا فضوا اصطبله
عنقا مارق ٍ نسنوسها سدوها منقــــاد*/*/* مع طول خدتها خراطيمها ســــــــــــــــبله
شناح ٍ طفوح شبلها دايم ٍ خــــــــــــدّاد*/*/* لونها مع ذود ابن عمي خذيـــــــــــت ابله
لا ضاقت براعيها الوسيعه بكل بـــلاد */*/*يحوّم و كبده من هل المدن منـــــــــــــدبله
لا منه نطحها عصر و لا هجد مهجـاد*/*/* ليا شافته قامت ترازم ترحـــــــــــــــــب له
هذي تنطحه تبغى تقبّله جد عمــــــــاد*/*/* وهذي تنهب شماغه و هذيك تلعــــــــب له
و الله ما يهني من حكم عاصمة بغداد*/*/* اللي له مزامير الفخر تضرب الطـــــــــبله




مجاراة الشاعر محمد بن عبّاد لما سبـق





جذبني صدى صوت ٍ تلاحت به الأطــــواد*/*/* يتعّب هواة الشعر بعده و من قـــــــــبله
صدى صوت عرّافٍ لشعـــــر الأدب روّاد*/*/* منابع عيون الشعر و الكلمه الــــــذبله
تلاحوا على وضح ٍ عليها العيون حـــداد*/*/* ولوف ٍ على صوت الموده تراقـــــب له
دقاق العنوق اللي خراطيمــــــــــها ورّاد*/*/* على حب راعيها شغوف ٍ و منجــــــبله
تقدم لها بن عون في وصفها نشّـــــــــاد*/*/* و شعا الأكلبي و الأكلبي تلني حــــــــبله
و انا قبل صوته ماشي ٍفي الطريق حياد*/*/* على ما تقول الناس كل ٍ على هــــــــبله
و بعد زعزع الوضحى فلا عاد لي صدّاد*/*/* سلولي و قلبي طاري الوضح يرغب له
ابتعب واحاول لو لحقني عنا و انكــــــاد*/*/* على منهج ًٍ ما كل قاف ٍ يناســـــــــب له
و انا في هواها مغرم ٍ هايم ٍ منقـــــــــاد*/*/* لو اكثر علي اللوم في حبـــــــــها الابله
اوقع لها بالعشر واشهّد الأشهــتــــــــاد */*/*انه لاعب ٍ بي حبها لعبة الســـــــــــــبله

هنا قصيده ابن عون الجديده في اخر هذا المقطع يلقيها الشاعر محمد بن عباد السلولي




width=400 height=350

صح لسان ابن عون

ومشكووور على انقل ولاهنت

العفو يا يوسف



وهنا المقطع على اليوتيوب لقصيده ابن عون








http://www.youtube.com/watch?v=p1hPwRAYz7Q




شكرا على مروركم جميعا

ابن عون مافيه كلام شاعر كبيرر

لاهنت يالغالي على النقل الجزل ..

تحيتي لك
..

حياكم الله جميعا


شرفتو الموضوع