قصيـــدة بعنـــــــوان "" زمــــان و نـــاس"" ......

مشاكل زمانـن فيه تفتــــر فـــر سيـــور ... مكينــــة وانيتــــن كيّمـه طالـب الــدوره


يبـــي يحضـر الصفة قبل يمشي الطابور ... ويــــروح التمـــام ويرفع الإسم ماموره


تفكرت في الدنيا وإلا هي تـلف وتـدور ... وتعيد البـــــرامـج كـــل ما تكمــل الدوره


شريطن يُسجل فيه كلش بدون قصور ... وتشوفه هجوس النفس بالصوت والصـوره


ثوانيه ساعـــــات ودقايقـه روس شهور ... وساعاتـه سنينـــــن بالأرقـــام محصـوره


تبيـن لها أحداثــــن جديــــده ثم تغــــور ... على صفحة النسيـــــان فـــي غبة بحوره


ألا يا ابن ادم لا تجي في الزمن مغرور ... ترى لك عــــدو والنفـــس بالشر مـاموره


تحرص من الشيطان زال أن لك مقدور ... قبـــــــل مايسوقك وسط ربـعه وجمـهوره


ترى من حفظ دينه يجي له من الله نور ... تباشيــــــر ربـــــه واضحــه بأول السوره


وإذا كان حظك ما يهيئ لك الميسـور ... ويســـــوقك لفعــــل الطيب في كل معموره


قناعتك بالمكتوب هو حضك الموفور ... ورصيــدك مع الله حفظ دينــــه ودستـــوره


ولا لك بمجدن قابعن في قعور قبور ... ولو تنحت اسمك في الصخر ما اكتمل دوره


كفى الله دنيـا مالهـــا في القديـم حضـور ... كتابـــة طباشيـــرن علـى وجـه سبــوره


تمارى بها أطلالـن عليها عشـوش نسور ... تـــوارى معالمـــها لها سنيــن مهجـوره


وبيرن معطلتـــــن وتبقى بقايــــا ســور ... عليـــــه شهـــود الله بـالأيـــات مذكـوره


و يقال البحر ما تنقصه شربه العصفور ... ولكــــن مقاديــرن للألـــواح مسطــوره


ولــو أنك تفكــر في كتـاب الله المنشور ... لقيت العبر في ماضي الوقت وعصوره


عسى الله يكافينا المشاكـــل وكل شرور ... ويقينــــا بلطفـــه هفــــوة الحظ وعثوره


وعسى الله يرحمنا هو الوالــي الغفــور ... لا جاء نهــــارن فيه الأعمال محصوره


وصلاة الله المولى عدد ماطلع من نور ... على المصطفى ماحطت وطارت طيوره






للشاعر عبدالعزيز بن زبار المرشدي العتيبي .....


\\\\\\\\