من يقابل ابورجب اااااااا خلوووووووووها
ابورجب24-Mar-2005, 11:53 PM
ياسلام الله سلامن من وجودي للرجال اللي نحب علومها
يارجال الطيب وين القى صحيبي ياسلام الله سلامن من وجودي
عد ماحنت حناحين الرعودي وعد ماغطت عيون بنومها
من يقابل مرحبا ماهو غريبي عد ماحنت حناحين الرعودي
ابو وافي25-Mar-2005, 01:29 AM
حياك الله يابو رجب
يا هلا يامرحبا بدار الفهودي الرجال اللي تعرف اسلومها
حلة اعتيبه عمى عين الحريبي ياهلا يامرحبا بدار الفهودي
عد ما يافد على مكه وفودي والليال المقبله ونجومها
من بعيد الدار والا من قريبي عد ما يافد على مكه وفودي
ابورجب25-Mar-2005, 01:56 AM
البقا يابووافي
البقا ياشاعرن ماهو شرودي باللقا ينطح جميع خصومها
واعرف ان ماهي غريبه بالعتيبي البقا ياشاعرن ماهو شرودي
يالعتيبي لابتي لابت جدودي الدواسر تعرفون قرومها
لابتن ولا بها شكن وريبي يالعتيبي لابتي لابت جدودي
ولد عوجان الجذع25-Mar-2005, 02:01 AM
الله
الله
الله
الدوسري أبورجب
العتيبي أبو وافي طاروق كايف مرة
صـويب الرمـــش*25-Mar-2005, 02:26 AM
عااشوا الشعار ,, وصح لسان الجميع
ابورجب25-Mar-2005, 02:43 AM
لاهنت ياولد عوجان الجذع على المرور والتعقيب
والشكر موصول لصويب الرمش لي عوده معكم بكره
انشالله عندما يرد ابووافي تحياتي للجميع
ابو وافي25-Mar-2005, 03:05 AM
هلا يبن عوجان
جايك فالدرب هههههههههههه
هلا صويب الرمش
ابو وافي25-Mar-2005, 03:06 AM
استلم يبو رجب
والنعم بلابتك ولا عليك زودي يابو رجب منته من ارخومها
يالدواسر مابكم نقص وعيبي والنعم بلابتك ولا عليك زودي
كلنا يالدوسري نحما الحدودي ونورد ارماحها وسهومها
ناقف لها لا جا النهار الصعيبي كلنا يالدوسري نحما الحدودي
ابو وافي25-Mar-2005, 03:40 AM
يابو رجب معليش ضيعت اللحن
والنعم بلابتك ولا عليك زودي يابو رجب ولا انته امن ارخومها
يالواسر مابكم نقص وعيبي والنعم بلابتك ولا عليك زودي
كلنا يالدوسري نحما الحدودي موردين ارماحها وسهومها
ناقف لها لو كان ماقفها صعيبي كلنا يالدوسري نحما الحدودي
الحطيم25-Mar-2005, 06:05 AM
ابو رجب الدوسرى
ابو وافى
لاهنتوا على امتاعنا
مرزوق حمدان العتيبي25-Mar-2005, 10:37 AM
...
ابو رجب
ابو وافي
على القوّه واصلوا
تحياتي
ابورجب25-Mar-2005, 11:22 PM
هلا يوسف المقاطي
هلا مرزوق العتيبي
لاهنتوا على المرور
ابورجب26-Mar-2005, 12:12 AM
اللحن يابو وافي اضبطه بارك الله فيك الشطر الاول من البيت الاول والشطر الثاني من البيت الثاني
استلم يابووافي
بالمعارك قادحينتس يازنودي نلطم العدوان راس خشومها
ياحريبي لاتقاوم ياحريبي بالمعارك قادحينتس يازنودي
لو نوردها على كل العدودي بان مخلاب الصقرمن بومها
يانديبي لا تعجل يانديبي لو نوردها على كل العدودي
ابو وافي26-Mar-2005, 06:28 PM
يوسف المقاطي
مرزوق العتيبي
حياكم الله
الله يقويكم
ابو رجب استلم
نحمد المولى على حكم السعودي والمعزه مكتسين اهدومهما
الرجال اللى لهم راي مصيبي نحمد المولى على حكم السعودي
مرجعين القدس من عند اليهودي بامر ربي ينتصر مظلومها
رمينا يالدوسري دايم يصيبي مرجعين القدس من عند اليهودي
ابورجب07-Apr-2005, 10:14 AM
لاهنت يابووافي على ذالمحاوره الطيبه
واسمحلي على التاخير في الرد
والجايات اكثر بأذن الله
تحياتي لك
