الشعر لو يبكي على فراق رجال

الشعر لو يبكي على فراق رجال
مايبكي الا وقت عصر العطاوي

راع الحكم والنصح وجزال الامثال
ابن اسرور الي يدوس البلاوي

بندر فريد الخلق وجيال الاجيال
مامثله الا كان بس الخلاوي

ياكم قطع من مهمهن قافرن خال
يومن ولد الاش دونه يراوي

على خطات امصممن يقطع الاال
من مارده ماجربوه الشواوي

هافن حمر فوقه دواليل ودلاال
ماغير بندر والرفيق النحاوي

يسري وسواقه من ابطال الابطال
تحت ضلام اليل والذيب عاوي

لديار من حكامها تلبس الشاال
هي منوت الي يتبعون المنااوي

في ماضين قد فات ياطيب الفال
ماهوب في هاذا الزمان الرهاوي

الي شيوخه كثرو ورجال الاعمال
معاد ابه حين فقيرن يراوي

الا الذي ياجد ملايين الاموال
ولاعمره انفق وهوه رجلن غناوي

بعد مغطى الخير وش عاد تحتال
ارتاح مالك في كبار الدعاوي

يكفلك رب الكون في كل الاحوال
محيي الهشيم الي منول سناوي

فرحان دربيل