الله يساعدني على مسكت الصمت

القصيده الاولى
لاجيت لي في مجلس يرغب الشمت = ونمايم مابين قيلٍ وقالي
لامد فنجالٍ شربته وكرمت = وقلت اسمحولي موعد رجالي
وانا إليا ما جازلي مجلسٍ قمت = ابدله لو ما اجلس الا لحالي
ودون الطلايب عن حلالي تشيمت = وافتك من العيات بانصاف مالي
وادفع لو ماني غشيم تغيشمت = وإن عيت العيات باخر حلالي
ولاجات من خبل ضعيف تلزمت = فالصمت والمردود يلقى بدالي
والله يساعدني على مسكت الصمت = لاجات عوجا من رفيقٍ موالي
مرير بن عبدالمحسن الحبيل


الشاعر مرير الحبيل العتيبي يضيف الى تمكنه وقدرته الشعريه وطول نفس قصيده تميزه في الوصف فهو حين يتعرض للوصف لما يتناوله يتقن نقل صورة ناصعه الوضوح ودقيقه جدااااااا وهي ميزه نادره لدى الشاعر تفننه وتمكنه في الوصف لايفقد القصيده جمالها اي انه يستطيع المحافقظ على جزالة القصيده وقد شهد للشاعر مرير الحبيل العتيبي في هذا الجانب كبار الشعراء
وانا صراحه اعده من كبار الشعراء >>في نظري
وترقبوووووا المزيد من قصائد الشاعر ((مرير الحبيل )))

هذه القصيده منقوله من مجلة (((اصايل))) لهذا الشهر
وهي مقابله مع ((((مرير بن عبد المحسن الحبيل العتيبي)))