سلطان الجذع __ حياك الله ..(عليك قامت يالجذع بقعا تدق اطبولها)
الشبـــح17-Apr-2007, 12:21 AM
مساكم الله بالخير ,
سلام ياسلطان واقرب ياعسى عمرك طويل = عليك قامت يالجذع بقعا تدق اطبولها
اليا اجتمع خيال يالخيال من فوق الاصيل = لا عاد تعذرب فالرجال اللي تعن خيولها
النّاشي17-Apr-2007, 12:26 AM
الله الله صح لسانك يالشبح
وصح لسان سلطان مقدما
تحياتي لكم
أبو نجر النفيعي17-Apr-2007, 12:27 AM
..
الله الله يالشبح..
صح لساانك
.
الشبـــح17-Apr-2007, 12:28 AM
الأديب والشاعر والناقد
طه حسين نتشرف بمرورك هنا يارائع
صح بدنك .
الشبـــح17-Apr-2007, 12:29 AM
مشرفنا الغالي
ابو نجر حياك الله وصح بدنك
ولاهنت على هذا المرور
سلطان الجـذع17-Apr-2007, 06:14 PM
ارحب يالشبح
وعذرا على التاخير
يامرحبا بك يالشبح ياراعي المد الجزيل=وين الديار اللي وصل للمنتدى مرسلوها
ملاحظه ياطير شلوى من عميل ليا عميل =حسبتها فالصدر قدام اللسان يقولها
سلطان الجـذع17-Apr-2007, 06:16 PM
الله الله صح لسانك يالشبح
وصح لسان سلطان مقدما
تحياتي لكم
صح بدنك ياطه
تحياتي لك
مرزوق حمدان العتيبي17-Apr-2007, 06:37 PM
..
.
هنا الابداع هنا الجزاله
... صح لسانك يالشبح ...
وصح لسانك .... يالجذع ...
... متابعه مستمره ....
والصف مافيه نشده ... الشبح .. وبس ههههههه
واصلو ا......
الشبـــح17-Apr-2007, 10:05 PM
..
هلاوين يالجذع استلم
الك البقى والقاف ملبوسه من الثوب السديل = يلي تخيط اثيابها خل الثيابْ ذا طولها
أجل مادام انك حسبت احسابها دربك طويل = والفعل قبل الفاعل اللي ناصبٍ مفعولها
الشبـــح17-Apr-2007, 10:07 PM
..
.
هنا الابداع هنا الجزاله
... صح لسانك يالشبح ...
وصح لسانك .... يالجذع ...
... متابعه مستمره ....
والصف مافيه نشده ... الشبح .. وبس ههههههه
واصلو ا......
هلا هلا هلا هلا ..
حيا الله ابو محمد وحي الله مرورك الطيب
وصح بدنك
ويشرفني وجودك
سلطان الجـذع17-Apr-2007, 10:21 PM
كريم يابرق يلوح من أمس في عرض المخيل =ليته ..لعله..من مزون طيب محصلوها
ويش انت ياريمان لو روحت مع جرة شعيل=حظك عقدلك عقده تصعب عليك حلولها
الشبـــح17-Apr-2007, 10:44 PM
..
برقٍ هماليله على البيدامحفيّة المسيل = والشاوي اللي نام مايسمع هدير اسيولها
بعض العرب حظه كما حظ العمى ( اعمى وليل ) !! = والبعض حظه حظ لو بدها تشيل عقولها!!
أبن مسلم17-Apr-2007, 11:16 PM
أبن مسلم17-Apr-2007, 11:18 PM
سلطان الجذع
صح لساااااااااااااااانك وبيض الله وجهك
والصف لايهمك مره دام راسي حي وتهب علاه
الهبوب لايهمك (ازهم صاحي ويجيك مجنون)
تحياتي لك
سلطان الجـذع17-Apr-2007, 11:22 PM
سلطان الجذع
صح لساااااااااااااااانك وبيض الله وجهك
والصف لايهمك مره دام راسي حي وتهب علاه
الهبوب لايهمك (ازهم صاحي ويجيك مجنون)
تحياتي لك
بيض الله وجهك يالذيب
وهذا الامل فيك
أبن مسلم17-Apr-2007, 11:28 PM
كريم يابرق يلوح من أمس في عرض المخيل=ليته ..لعله..من مـزون طيـب محصلوهـا
ويش انت ياريمان لو روحت مع جرة شعيـل=حظك عقدلك عقده تصعـب عليـك حلولهـا
اسر ياليل اسر ياليل اسر ياليل
صح لسانك والله ولايهون الشبح
سلطان الجـذع17-Apr-2007, 11:33 PM
عساك مانت اللي يقولون العرب مامن حصيل=مثل الجمال اللي تبرك فالحزم بحملوها
مانته ببن هذال ياطير السعد والا الحبيل =بعض السوالف لاهي بحولك والا انت بحولها
الشبـــح17-Apr-2007, 11:58 PM
المشكلة فالبايع اللي مايبيع الا البليل = ويطمع بهيئة سوق المال انه يجي مسؤلها
اللي يعاين فالقليله مايجيه الا القليل = هذي عباره والعباره واضحٍ مدلولها
الشبـــح18-Apr-2007, 12:02 AM
ابن مســـــــــــــلم حياك الله
وصح بدنك ولاهنت
سلطان الجـذع19-Apr-2007, 10:25 PM
الشبح المعذره على التاخير
ولكن لنا لقاء في ابداع
اخر يا بـــــــــــــحـــــــر
الطاروق هذا برد
الشبـــح19-Apr-2007, 10:27 PM
حياك حياك ياسلطان
ولنا لقاء اخر
لاهنت يالغالي
رجـم النـايـف المطيري19-Apr-2007, 10:55 PM
صح لسانكم
امتعتونا بالطاروق
عسالله يمتعكم بالعافيه يااخواني
تحياتي لكم
الشبـــح21-Apr-2007, 03:38 PM
هلا هلا يالنايف
اشكرك على المرور الطيب يالطيب
والله يمتعك يالعافية
مرزوق حمدان العتيبي21-Apr-2007, 08:23 PM
...
.
لاهنتوا يامبدعين
.. سلطان والشبح ...
الف شكر على هالابداع ...
...
