ازف التحيه
هاجــوس10-Aug-2007, 12:37 PM
ازف التحيه صافيه للمناعير=عسا الله يوقيها صدوف الليالي
سمعنا عتيبه يشهرون المشاهير=وجينا نشوف الوضع شرق وشمالي
خوي السعد10-Aug-2007, 01:06 PM
تحيتك مقبوله ومسيك بالخير = عتيبه رجال(ن) يكرمون الرجالي
ليا جات بالطوله وضرب البواتير = لنا المركز الاول على كل حالي
هاجــوس10-Aug-2007, 01:26 PM
خوي السعد غنا ولافيه تقصير=ولاجابله علمن جديدن يقالي
عطيتك رساله واضحه بالتقارير=ولاكن أشوف الجو خاوي وخالي
خوي السعد10-Aug-2007, 01:36 PM
وهاجوس اشوفه مايعرف المعايير = يجيب الغروبي يحسب انه زوالي
رسالتك يارجال تحت المناظير = ولكن حسّب للدروب الطوالي
مرزوق حمدان العتيبي10-Aug-2007, 02:12 PM
عطيتك رساله واضحه بالتقارير
ولاكن أشوف الجو خاوي وخالي
...
الله الله هاجوس اولا الله يحييك واسلوب شعري رائع ...
...
رسالتك يارجال تحـت المناظيـر
ولكن حسّب للـدروب الطوالـي
الله ياخوي السعد رد وافي ولاغرابه مودتي
....
هاجــوس12-Aug-2007, 05:05 AM
خوي السعد قدمه دروب ومشاوير=أباه ايتعلم مير اظنه يلالي
ترى الدرب قدمك وعر وكله شناظير=الا كان شوقك يم درب المعالي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
