الشاعر الطارف ,,يقرب
سلمان الروقي16-Jan-2008, 06:57 PM
سلام الله على عتيبه حمول الخيل فالميدان=قبيله يشهد التاريخ ..حاضرها لماضيها
يقوله شاعر عتيبي يمثل ربعه العتبان=بدون قصور في كل الرجال إلي بساميها
بندر المرشدي16-Jan-2008, 07:30 PM
هلا يامرحبا ترحيبة يرجح لها الميزان=على وضح النقاء.. ومن الصفا ننحت معانيها
ولا يامثل عتيبة تفضل جندل الفرسان=ولكن وقفّتك ياصاحبي فيها ومافيها
عبدالله السبيعي16-Jan-2008, 07:34 PM
بندر المرشدي16-Jan-2008, 07:44 PM
سلمان الروقي من حظك الطيب ردوا عليك ثلاثة!!
ووبما ان عبدالله السبيعي رد انا اترك له المجال واطلب
من أخي قوي العزوم ترك المجال له لان عبدالله السبيعي ضيف علينا ويستاهل
استأذنك ياقوي العزوم في حذف مشاركتك
محمد العتيبي16-Jan-2008, 07:44 PM
صح لساااانكم جميع
سلمان الروقي وبندر المرشدي ..
ابدااااع x ابداااع
واااااااااااصلواااااا ...
قوي العزوم16-Jan-2008, 07:50 PM
صح اللسانك
يا سلمان
وابشر يا بندر واحذف احذف من
دون تأخذا اذان تمون وانا اخوووووك
والمجال مفتوح
لاخي عبد الله السبيعي
والله يحييه بين ربعه واخوانه
وحيالله اسبيع الغلبا
من اولها لتلاها
اخووووووووكم
قوي العزوم
سلمان الروقي16-Jan-2008, 07:57 PM
يدوم الك البقاء يالمرشدي بندر رفيع الشان=عساك اليوم حافظ للوصاه ولانت ناسيها
يابندر ما نلد العين في طيور ٍ على الاغصان=هدفنا فالطيور إلي مخالبها تعشيها
قوي العزوم16-Jan-2008, 07:59 PM
يدوم الك البقاء يالمرشدي بندر رفيع الشان=عساك اليوم حافظ للوصاه ولانت ناسيها
يابندر ما نلد العين في طيور ٍ على الاغصان=هدفنا فالطيور إلي مخالبها تعشيها
لا لا لالالالالالالا تعليق
سلمان الروقي16-Jan-2008, 08:04 PM
بندر المرشدي حياك .. عبدالله السبيعي حياك ..قوي العزوم حياك
ابو مشعاب حياك..
لاهنتو جميعآ,,,
بندر ترى مافيه ردود بينه عندي جميع المشاركات محذوفه الأبيوتي
وحي الله عبدالله السبعي إذا بيواصل على الطاروق..او يبدع من عنده
عبدالله السبيعي16-Jan-2008, 08:10 PM
الله يطول عمرك يالمرشدي وافي الله يسلمك
لكني استميحك العذر في المتابعة
يابندر ما نلد العين في طيور ٍ على الاغصان = هدفنـا فالطيـور إلـي مخالبهـا تعشيهـا
كلام :)
صح لسانك والليل يالمرشدي
بندر المرشدي16-Jan-2008, 08:27 PM
والله ما ادري وش أقول لكن مادام اصريت ياسلمان استلم........
تعرضها الهبوب وترمي الصيدة بلا نيشان=تعكس السير وتقول العرب وش صايرٍ فيها
عتيبة دارها لضيوفها ياربعنا بستان=ولاكنّ الولد يبغى يكحلها ويعميها
بندر المرشدي16-Jan-2008, 08:34 PM
عبدالله السبيعي
مرحبا بك وأعذرنا لاهنت .....
وصح بدنك
بندر المرشدي16-Jan-2008, 08:36 PM
ابو مشعاب
صح بدنك وشكرا لك
قوي العزوم
بيض الله وجهك وهذا من طيبك
علي فلاح العضياني16-Jan-2008, 08:53 PM
الله الله
محاوره تستحقّ المتابعه لله درّكم وانا في صف الزميل
واصلوا وعلى القوّه
عيد العازمي16-Jan-2008, 09:46 PM
الله الله
صح السانك سلمان
بندر مع جزالة الشعر نبل الاخلاق واحترام الضيف شكرا لك
سلمان الروقي16-Jan-2008, 09:50 PM
تجي وتروح وتروح وتجي ياطير بن برمان=وش الي جبت من حول السبار وجيت مهديها
إشوف المرشدي بندر حكم فيها وهو عجلان=حريص من زياده حرصه يحاول ويخطيها
سلمان الروقي16-Jan-2008, 09:54 PM
على العضياني .... العازمي
شكرآ على المرور العطر
مروركم شرف بحد ذاته
بندر المرشدي16-Jan-2008, 10:28 PM
انا بنشدك ياسلمان.. هات العلم ياسلمان=من اللي فوق راسه ياولد عمي يضويها
تبا علم الصراحة والله انك يافتى غلطان=ولكن لاتردد كلمتك والناس توحيها
بندر المرشدي16-Jan-2008, 10:35 PM
علي العضياني
شكرا على مرورك ووقوفك في صف زميلك
بيض الله وجهك
العازمي
صح بدنك...... ولا على الجميع زود
محمد العضياني16-Jan-2008, 10:39 PM
سلمان الروقي وبندر المرشدي
وقضية غامضة اظنها عن زيادة الاسعار ههههه
صحت السنتكم
بندر المرشدي16-Jan-2008, 10:45 PM
سلمان الروقي وبندر المرشدي
وقضية غامضة اظنها عن زيادة الاسعار ههههه
صحت السنتكم
صح بدنك يالبواردي
والقضية مثل ماقلت.......هههههههه
سلمان الروقي16-Jan-2008, 11:02 PM
هذاك اللي ليمنه قراها غره العنوان=جهل في نصها وبنودها ثم إبتلش فيها
ترى مانته بقاضي خلها لشيخ أبن حمدان=ترى مال الدعاوي كلها ياكود قاضيها
عبدالمجيد الثعلي16-Jan-2008, 11:28 PM
سلمان الروقي بندر المرشدي
صحت ألسنتكم وكفيتوا ووفيتوا
بندر المرشدي16-Jan-2008, 11:28 PM
سوات اللي يقول الفيصلية برج في خيطان=ابا اترك صاحبي في سكته مادام معطيها
تراها واضحه ياصاحبي تدري بها العميان=ولو بعض العيون تشوف رب البيت معميها
سلطان بن ثعلي16-Jan-2008, 11:35 PM
هذاك اللي ليمنه قراها غره العنوان=جهل في نصها وبنودها ثم إبتلش فيها
ترى مانته بقاضي خلها لشيخ أبن حمدان=ترى مال الدعاوي كلها ياكود قاضيها
سلمان الروقي صح السانك
بندر المرشدي صح السانك
والله الله ياشعار واصلواا وابدعونا
وانا في صف سلمان ولايهون بندر
سلمان الروقي16-Jan-2008, 11:59 PM
مدام المرشدي عود يجيب الهرج بالمجان=إن ماقول غير الله يستر من تواليها
انا ماني براع الحجه أللي مالها برهان=أعيدو بالنظر يصاحبنا ويبين خافيها
سلمان الروقي17-Jan-2008, 12:00 AM
البواردي مرورك شرف لأهنت
ذيب المساري لأعدمتك مرورك وسام على صدورنا
ابن ثعلي سلطان بيض الله وجهكـ ... والصف يفتخر بشرواك
بندر المرشدي17-Jan-2008, 12:09 AM
سلمان الروقي
صح لسااااااانك امتعتنا بهذا الطاروق
تصبح على خير
سلمان الروقي17-Jan-2008, 12:13 AM
بندر صح بدنك .. وكفيت ووفيت
وانت من إهل الخير
معجب العتيبي17-Jan-2008, 01:40 AM
سلمان الروقي بدعت فأبدعت
وبندر المرشدي ما اجمل ما قلت
ابداعكما يستحق القراءه
شكرا لما قدمتوه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
