بيضاء على الرقاص ذيب الغداري

هذه القصيدة للشاعر راشد بن حصيّن المزيني الحربي ولها قصة

حيث أن الشاعر راشد الحربي ( أبو مشاري ) له جار من الشيابين

وبعد أن سافر راشد لخارج المنطقة قام مجموعة من اللصوص

بالدخول إلى بيته وجمعوا ماوقع بأيديهم من ذهب وغيره , وأحس ابن

جاره الشيباني بوجود أحد داخل البيت مع علمهم بسفر جارهم فاقتحموا

البيت الأب وابنه وأمسكوا بأحد اللصوص ومن ثم اتصلوا بالدوريات وتم

تسليمه لهم . فضربوا بذلك أروع الأمثلة وأصدقها في الشجاعة وحفظ

حق الجار , وليس ذلك غريبا على الهيلا .

وتم نشر القصة والقصيدة بمنتدى ديوانية حرب ومن باب رد الجميل لأهله

كان لابد من نشرها بمنتدى الهيلا .

وإليكم قصيدة راشد الحربي بجاره العتيبي



بيضاء على الرقاص ذيب الغداري = تضفي على راع الوفاء من وقاره
شرواه تشرى جيرته يامشـاري = اللي على جاره تسوقـه غيـاره
الله يفكه من صـدوف الجـواري = ياقل مثله فـي زمـان الحضـاره
اَمن ولاعنده من الشـر طـاري = وبغياب جاره صبّحوا بيت جـاره
وصادف بدر توقيتهم باالمحـاري = وعدا وشاف الكارثـه بالعمـاره
قال افزعو واقفى تقول انتحـاري = يوم(ن) ابوخالد عطـاه الاشــاره
ضرب على درب الخطر مايـداري = من صلب ابوه وجاذبه بالنـداره
تقول حر(ن) راثع(ن) في حبـاري = عسى يمينـه ماتجيهـا الجبـاره
ماحط راسه واتصـل بالطـواري = طش العمامه ثم تعـزوى بسـاره
للطيب باهل الطيب تطلع مـواري = ماتختفـي وتبيـن تـاره وتـاره

مشكوووووور يالغلي

بس فيه شاعر وعلم كبير من حرب اسمه الحصني ياليت تعلمنا عنه وتجيب من شعره الجزل

أتمنى من المشرف تعديل المشاركة حيث أن جار الشاعر ( حافي )

وليس ( شيباني ) والله والنعم بالجميع ,, لكن صحح لي المعلومة صاحب

القصة

تحيتي

مشكوووووور يالغلي

بس فيه شاعر وعلم كبير من حرب اسمه الحصني ياليت تعلمنا عنه وتجيب من شعره الجزل


هلا بك عبدالرحمن الهيلوم

والله يعطيك العافية على هذا التواجد الكريم

ويبدو أنك تقصد الشاعر سبيل بن سند الحصني ,, وأبشر ياطويل العمر

طلباتك أوامر

تحيتي لك

الله يعطيك العافيه اخوي مشاري الحربي

ومشكوووور على القصه الطيبه

مشكور وماقصرت

الله يعطيك العافيه

بيض الله وجهك على القصيده

يعطيك العافيه

الله يعطيك العافيه اخوي مشاري الحربي

ومشكوووور على القصه الطيبه

الله يعافيك أخي هايل العتيبي

وشاكر لك هذا التواجد الكريم

تحيتي لك

محب الهيلا

الله يعطيك العافية على المرور الكريم وتشريف الموضوع

تحيتي لك

أبو عبدالله العتيبي

الله يعافيك والشر مايجيك ،، ووجهك أبيض يالغالي

تحيتي لك

المشرف القدير

فهد النفيعي

الله يعافيك وشاكر لك هذا التواجد الكريم

تحيتي لك