اطرف شاعر يا الربع

مرحبا عد براقٍ لمع فالمخيله=للنشاما هل المعروف والمعرفه

كل شاعر يبين ماختفى من حصيله=جيتكم مثل ذيبٍ عاويٍ بشرفه

البقا يالمرحب عد ماسال سيلة=لارتكم ثم مشى ماحصله يجرفه
نعرف الفرق واضح بين سمن وبليله=هاتها ياعميلاً ماعرفه ماعرفة

المعتصم بالله ××× الشيش


صحت ألسنتكم..

على القوه وسجلوني متابع,,,

الشيش انا ماعرفه مادري من اية قبيله=وابن ثعلي عميلك انتبه واعرفه

احترص لا تهور ثم تجي فالمسيله=والمسيله تراها كلها تكلفه

كم درست من طالب وعانك زميله=يكفيني اني عتيبيٍ يحج عرفة
لاتوصي خبيرٍ فالمساري دليله=لويشوف الحصيني بالحصاه احذفه

لو كان ما قلتها بقولها للقبيله=نعم بعتيبه اللي كلها مشرفه

من بغى الطيبه لابد يرقى الطويله=لكن الشيش مادري كيف انا بوصفه

راع العلطا

صح بدنك يالغالي

متابعتك مشرفه

صحت السنتكم واصلوا


نحن متابعين

ياجماعة يباله وزنةٍ في كويلة=كان عنده رصيدٍ ليش مايصرفه
كيف ترقى الطويلة وانت رجلك هزيلة=مار ويش السواة بعالم املقفة

صحت ابدان جميع من شرف الطاروق

نقدح الزند ونولع براس الفتيله=يوم شرواك دور فزعةٍ تسعفه

منه شفت الجزيله اصبحت مستحيله=يالله اني دخيلك هرجته لفلفه

ماسقيتك قراح الاسقيتك عبيلة=روح دور بلاطٍ ياولد صففه
والختام الدلال اللي تبهر بهيله=هاك فنجالها ياصحبي ورشفه

صح السانك يالمعتصم بالله وشرفني اللعب معك ولنا لقاء ان شاء الله

صح لسانك يا الشيش وبدنك

وتحياتي لجميع من مر

المعتصم , الشيش : صحت الألسن , ملعبة رائعة والشعار أروع .



تقبلوا مروري .






أخوكم/ قادح شرار.