:: الله يبيحك يابخيت العطاوي ::

السلام عليكم ورحمة الله وبركاته

قصيده متواضعه اتمنى ان تنال استحسانكم









هاض الضمير وقام يعزف له لحون = على وتر فكري يجر الغناوي
يطرب لها الهاجس ويطلب ويعطون = جزل المعاني والقصيد الرهاوي
امعطرن قافي وبالعود مدهون = ومشكله مابين كادي وجاوي
أصوغها وسط الحشا لين يحمون = وأزل شعري مثل زل القهاوي
أسوقها للي لها القلب ممنون = الجادل اللي ماتجي بالمناوي
اللي غدت بالزين عن كل مزيون = وأستيسرت قلبي وقلب الهواوي
اليا أقبلت ماعاد ياسعني الكون = واليا أدبرت زرت الطبيب المداوي
الها وفا من بين الأضلاع مصيون = ولها غلا كلٍ جهل وش يساوي
ماتعرف الفرقا ولا تعرف تخون = وما تقرب اللي بالردى له حراوي
تفننت بين النساء بعدة فنون = وأركت على كبد العذول المكاوي
تطرب ليا سمعت بها الناس يحكون = وتسكر على لبس الدلع والغناوي
تخدش شعور أسماء وميساء وميسون = وتتبع خطاويها عهود ومضاوي
تمشي غنج مثل الظبي تمشي بهون = وتسلب عقول اهل الفعل والحكاوي
لامرت اللي شايلٍ فوقه ديون = اللي حياته بين صبر ورجاوي
يضحك ولو أنه من الدين مشحون = لعيون من تقسى عليه الغطاويِ
صورها ربٍ عنده الرزق مضمون = الواحد الخالق مجيب الدعاوي
ولو أنها شيفت قبل عدة قرون = الله يبيحك يابخيت العطاوي
كان أصبح بشعره مثل قيس مجنون = وراحت علومه بين قاصد وراوي
حفظتها والحب ماهوب مامون = أما سعد راعيه ولا شقاوي
الله يجنبها عن عيون مشطون = والله يكافيها الحسد والبلاوي

صح السانك يالغالي

...

الله الله الله يا ماجد

لله درررررك ..

صح لسانك على هالجزله .. وفي انتظار جديدك ..

:)

أخوك

عبدالرحمن الهيلوم





يعطيك العافيه على المرور وأنا أخوك

أبو نجر أشكرك على المرور الطيب




وبيض الله وجهك

...

الله الله الله يا ماجد

لله درررررك ..



صح لسانك

لافض فوك ولاعاش حاسدووك

دره ثمينه وجميله

لاهنت يالغالي وصح لسانك وقلبك

محبك

.,

ياسلام عليك ياماجد مبدع مبدع الله لايهينك



وبيض الله وجهك وصح لسااااااااااااااااانك

صح السانك وبيض الله وجهك على هالجزاله

معجب العتيبي




صح بدنك يالغالي

عبدالله الجذع مرورك تشريف لي

ابو مناسيب





الله لايهينك على المرور الطيب

يعطيك العافيه ماجد


تقبل مروري