برقاء و روق من السنين الماضيه متكاتفين .......

السلام عليكم ورحمة الله وبركاته


مساكم الله بالخير

قصيدة القيتها ايام مزاين الهيلاا

اتمنى تنال اعجابكم






يالله يارب الخلايق يامعين الصابرين = ياواحدٍ مدات جودك وافيٍ مكيالها

تجعل لنا هيبه وقيمه مع هل العلم الثمين = ليا دعا الماقف ونادوا للزوم رجالها

من بعدها سلام تسليمت وفاء للحاضرين = تنساق مثل الدله اللي دارجٍ فنجالها

تنصا هل الردات والميقاف من ماض السنين = اللابه اللي تنعرف بين العرب بفعالها

قومٍ ليا نادا المنادي فاللوازم حاضرين = شيالة حمول الزمان خفافها وثقالها

يوم الملاقا يدحمون القوم بالجنب المتين = مركاضهم تشبع به سباع الخلاء وعيالها

دقلاتهم تعجب وتغضب لامشوا متحيزمين = لنحوا كما سيلٍ تحدر من علوا جبالها

دون العشاير ياقفون ويرخصون الأحمرين = حامينها يوم السنين اللي تهيل اهوالها

كم فارسٍ من دونها عود وهو خال اليدين = وكم مهرةٍ راحت قلاعه وجعفوا خيالها

برقاء وروق من السنين الماضيه متكاتفين = هيلآ على العليا تعلت والسفاير فالها

يشهد لهم نجد المسمى والقبايل شاهدين = قبيلةٍ بالعز تمشي والسعد يبرالها

واليوم في ضل السعود معززين مكرمين = الشجره اللي ضافيٍ فوق البلاد ضلالها

لعل محفلنا وجمعانا على تقوى ودين = ولعل ساعات الفرح دايم تعود ليا لها

حضرت اشارك مع بني عمي على سمن وسمين = وشوش وفخر يوم امجد لابتي وعنالها

وان كان به تقصير نرج المعذره يالسامعين = ماكل قايل كلمته ترض العرب لاقالها

وختامها صلوا على المبعوث خير المرسلين = عداد ماتنش المزون وينهمل همالها

وعداد ماحجوا ومالبوا جموع المسلمين = في ساعة كل العباد المؤمنه تسعا لها



وسلامة الجميع

صح السااااااااااااااااانك يابن عااصم

صح لساااااااااانك لاهنت
شاعر ابدعت في قصيدتك
تقبل تحياتي

قصيدتك طيبه والمناسبه اطيب
وعتيبه قبيله تستحق بفضل الله مايقولونه الشعراء فيها.....


اخي ذعار بن عوض العصيمي بيض الله وجهك ووجيه ربعك العصمه.. وشكرا

صح لساااانك وأعتلاء شانك

لا هنت

تحياتي
صقر الجعده

صح لسانك


قصيده تستحق الاشاده


وتقبل مروري

( نعم متكاتفين ولا به شك ولا ريب وغصب عن اللي ما يرضى )



بيّض الله وجهك يالشاعر ذعار

وصح لسانك يالقرم

أشهد إنها طيبه من راس طيب

صح لسانك والله ،،،