يـا ابـن سـرحـان ..وش يفيـد صاروخ قــراد بـعـد قـصـف الـ f16..
قادح شرار08-Jan-2009, 01:35 PM
سلام الله يا ابن سرحان والدعوة تريد جّهاد = ترا ماهي بجغمة..صبها فالحلق ..وأبلعها
بعد صاروخ طيارة قصفنا .. وش يفيد (Grad)!! = وبعض الناس مثلك ..دورة ٍ فالجيش تنفعها
فايز بن سرحان الثبيتي08-Jan-2009, 01:53 PM
هلا يامرحبا والقدس تبكي قبلها بغداد = بكت لين البشر صمت لها ماعاد تسمعها
على انقاظ الجروح النازفه لا تبني الامجاد = مادام انك حزين وصرختك تقلب مواجعها
احمد حامد الزايدي08-Jan-2009, 01:58 PM
الله الله
صح السانك ياقادح شرار
وصح السانك يابن سرحان
واصلو لله دركم متابع
قادح شرار08-Jan-2009, 02:09 PM
الله الله
لك الله يا عرب بغداد.. قبلك علّو الأكباد = على درب اليهودي=>يصنع الألغام ويزرعها
ترا بعض النصايح يا صديقي عادة الأجواد = ولا تحزن ليا من الحقيقة جارحة معها
فايز بن سرحان الثبيتي08-Jan-2009, 02:33 PM
بعد ذل الضحية يوم صارت يد الجلاد =تموت ولا لقت فالناس من يمسح مدامعها
ولا لك حيله الا انك تتابع نشرة الارصاد = وتحصي فالضحايا اللي على الشاشه تودعها
قادح شرار08-Jan-2009, 02:34 PM
أبو ريان أباصل المسجد ... وبعد الصلاة نكمل إن شاء الله .
قادح شرار08-Jan-2009, 03:11 PM
الله الله
يا شين هياط أهل غزّه..وباقي قدرهم ما جاد = وبقعاهم في وسط المهد باقي ترضع أصبعها
أنا أشوف المصيبة جاتلك تمشي.. بلا عداد = لك الله ما بتقدر يا ولد سرحان تمنعها
بدر الكريزي08-Jan-2009, 03:23 PM
الله الله
لعب على اصوووله
قااادح × ابن سرحااان
صحت السنتكم يا كباار
متااابع بكل تاكيد
قادح شرار08-Jan-2009, 03:28 PM
الله الله
لعب على اصوووله
قااادح × ابن سرحااان
صحت السنتكم يا كباار
متااابع بكل تاكيد
حياك الله يا بدر ..
صح بدنك يالغالي ..
ومتابعتك محط إهتمام ...
فايز بن سرحان الثبيتي08-Jan-2009, 03:32 PM
بعد موت السلام اعلن خضوعك والسيوف احداد = بعد ماشفت ذيك الجادل اللي طاح برقعها
ذبحك الجوع وانته ياولد عمي تشيل الزاد = وانا ماقول مخطي لو حساباتك تراجعها
فايز بن سرحان الثبيتي08-Jan-2009, 03:37 PM
ابن الشاكرين
بدر الكريزي
مروركم عطر
لا عدمناكم
قادح شرار08-Jan-2009, 03:44 PM
الله الله
أنا ما أخضع يا كود ألا لربي خالق الأسياد = وأنا في خير والنعمة فبنك العز جامعها
ليا صار الكلام اللي نقوله والحكي... ما فاد = مجانين العرب ماني بمجبور إني أقنعها
عبدالله الجـــذع08-Jan-2009, 03:48 PM
الله الله
مصادم روس
والعواقب سليمه يالغالين
كباار والكبير الله
متابع والليييييييييل
قادح شرار08-Jan-2009, 03:49 PM
أبو ريان لي الشرف باللعب معك ...
وكان ودي نستمر لين يشيب القاف ..
ولكن المعذرة مظطر أخرج لظرف خارج عن الأرادة ..
تحياتي للجميع ...
فايز بن سرحان الثبيتي08-Jan-2009, 03:52 PM
الله يبيض وجهك
تشرفت باللعب مع شرواك
ابن عقاب الشمري08-Jan-2009, 05:01 PM
ولا لك حيله الا انك تتابع نشرة الارصـاد
وتحصي فالضحايا اللي على الشاشه تودعها
ياا سلام ياا بن سرحان صح لساانك ,,,
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
