سعود العصيمي استلم لاهنت
الطيار..19-May-2009, 06:40 PM
(الزلزله):)
سلام تسليمةٍ لربوعنا حسب القوانين=اقولها للرجال الغاليه غالي ثمنها
اشوف لي في قطاع العيص زلزال وبراكين=والزلزله ياسعود اضن ماعنكم وعنها
سعود العصيمي19-May-2009, 07:05 PM
هههههه
ارررحب ارررحب
يالطيااار
يامرحبا ياهلا ترحيبةٍ تسوى ملايين = ياربعنا الطيبين اللي يشوقنا لحنها.
العيص حرة جهينه وانت جار الها من سنين = والله يستر على كل الاوادم في وطنها.
الطيار..19-May-2009, 07:25 PM
المهلي مايولي
طيب طيب
لعل فيك البقا والقرن ذا واحد وعشرين=واحد وعشرين عد اليالها وحسب زمنها
تراك مانته بعيد ولا انت فاليابان والصين=المائده مستديره وانت كفك في صحنها
سعود العصيمي19-May-2009, 07:52 PM
كم لك سنه في هذاه القرن قلي يااحمر العين = سر الليالي ونيات العرب محد(ن) ضمنها.
محدٍ عن امر الولي يقدر يلف يسار ويمين = وانتم عرب لانتم مني وانا ماني بمنها
علي الثبيتي19-May-2009, 08:02 PM
رايحة التميز موجوده في هالطاروق=
الطيار+سعود العصيمي=
صحت السنتكم=
سعود العصيمي19-May-2009, 08:03 PM
الطيااار
ماتلاحظ ان ابو سلطاان
معجب العتيبي
متغير علينا الاياااام هاذي.
يمر مايرد السلالالام.
هههههه
مايكون الا خير
يابو سلطااان
حسااابك بعدين
خلني افضي لك ،،،
خخخخخ
سعود العصيمي19-May-2009, 08:05 PM
هههههه
ارررحب
ملايين
يابو فهد
وصح بدنك.
وشكرآ لاطرااائك،،
ابو لمار19-May-2009, 08:11 PM
الله الله الله
الطيار
سعود العصيمي
صحت السنتكم وقلوبكم
واصلوااا يامبدعين
متاااابع
الطيار..19-May-2009, 08:14 PM
لو قمت ابحصي عددها ماتكفيها الدواوين=مخلف ذبحها بسكينه واخو مره دفنها
الناس قامت تصلي والله اعلم بالمصلين=بعض العرب ماتفرق فى الفروض وفي سننها
سعود العصيمي19-May-2009, 08:17 PM
صح بدنك يابو لمار
وحياااك الله.
ياغالي.
الطيار..19-May-2009, 08:18 PM
النشمي
صح السانك والتميز في حضورك
لاهنت
الطيار..19-May-2009, 08:22 PM
الطيااار
ماتلاحظ ان ابو سلطاان
معجب العتيبي
متغير علينا الاياااام هاذي.
يمر مايرد السلالالام.
هههههه
مايكون الا خير
يابو سلطااان
حسااابك بعدين
خلني افضي لك ،،،
خخخخخ
ايو الله اشوف بس مدري
لايكون انك مزعله انا ماخبر بيني وبينه شي ههههههه
على العموم عندكياه
الطيار..19-May-2009, 08:24 PM
ابو لمار
صح بدنك ومنور بمرورك
لاهنت
سعود العصيمي19-May-2009, 08:47 PM
لو كل علمٍ من الطيار يحضر له براهين = معاد نلقى الذلول مجودٍ غيره رسنها
بالقول والفعل حنا اللي رفعنا راية الدين = المشكله فيك ياللي بالخطأ تامر وتنها.
الطيار..19-May-2009, 09:08 PM
حنا مانبحث ورى اللي مايقرون الموازين=اسمع كلام الذهين اللي موازينه وزنها
دايم نكرم لحانا مثلنا مثل السلاطين=يوم المطوع بلش في لحيته قام وحسنها
سعود العصيمي19-May-2009, 09:35 PM
ان كان عندك خبر والا فعل حرر فلسطين = الدين الاسلام في شام الدير والا يمنها.
حنا رجالٍ عزايمنا تدف الضلع ويلين = والسلم شهرين فوق العام لدخيلٍ زبنها.
الطيار..19-May-2009, 09:51 PM
لعل فتح وحماس يعوذون من الشياطين=ولا فلسطين راحت من بعد ياسر رهنها
لكن جعلك تحرس الذاهبه فى العسر واللين=تفتكها من سباع الضلع ويسدك لبنها
@ابن مكرز@19-May-2009, 09:54 PM
وافين ياشعارنا ونستفيد منكم
الطيار..19-May-2009, 09:55 PM
ابو طايل صح السانك مليون
سعدت بلقائك لاهنت
ولافيك حيله
الختام من عندك وتصبح على خير
سعود العصيمي19-May-2009, 10:18 PM
الطياار
صح لسااانك واعتلا شأنك
استلم الختااام وتصبح على خير.
اهل حماس وفتح في ولاية الناس الصهايين = اللي على روسهم ياصاحبي تهدم سكنها.
لاتقرب من الحميا وتصير نقطة بين قوسين = ترا رحانا ليا درناه للحبه طحنها.
سعود العصيمي19-May-2009, 10:21 PM
الطيااار =
سلام تسليمةٍ لربوعنـا حسـب القوانيـن=اقولها للرجـال الغاليـه غالـي ثمنهـا
اشوف لي في قطاع العيص زلزال وبراكين=والزلزله ياسعود اضن ماعنكـم وعنهـا .
سعوود العصيمي=
يامرحبا ياهـلا ترحيبـةٍ تسـوى ملاييـن=ياربعنـا الطيبيـن اللـي يشوقنـا لحنهـا.
العيص حرة جهينه وانت جار الها من سنين=والله يستر على كـل الاوادم فـي وطنهـا. .
الطيااار =
لعل فيك البقا والقرن ذا واحد وعشريـن=واحد وعشرين عد اليالها وحسب زمنها
تراك مانته بعيد ولا انت فاليابان والصين=المائده مستديره وانت كفك في صحنهـا
.
سعوود العصيمي=
كم لك سنه في هذاه القرن قلي يااحمر العين=سر الليالي ونيات العرب محد(ن) ضمنهـا.
محدٍ عن امر الولي يقدر يلف يسار ويمين=وانتم عرب لانتم مني وانـا مانـي بمنهـا .
الطيااار =
لو قمت ابحصي عددها ماتكفيهـا الدواويـن=مخلف ذبحها بسكينـه واخـو مـره دفنهـا
الناس قامت تصلـي والله اعلـم بالمصليـن=بعض العرب ماتفرق فى الفروض وفي سننها .
سعوود العصيمي=
لو كل علمٍ من الطيار يحضر له براهين=معاد نلقى الذلول مجودٍ غيره رسنهـا
بالقول والفعل حنا اللي رفعنا راية الدين=المشكله فيك ياللي بالخطأ تامر وتنهـا.
الطيااار =
حنا مانبحث ورى اللي مايقرون الموازين=اسمع كلام الذهين اللي موازينه وزنهـا
دايم نكرم لحانا مثلنـا مثـل السلاطيـن=يوم المطوع بلش في لحيته قام وحسنها .
سعوود العصيمي=
ان كان عندك خبر والا فعل حرر فلسطين=الدين الاسلام في شام الدير والا يمنهـا.
حنا رجالٍ عزايمنا تدف الضلـع ويليـن=والسلم شهرين فوق العام لدخيلٍ زبنهـا.
الطيااار =
لعل فتح وحماس يعوذون من الشياطيـن=ولا فلسطين راحت من بعد ياسر رهنهـا
لكن جعلك تحرس الذاهبه فى العسر واللينت=تفتكها من سباع الضلـع ويسـدك لبنهـا .
سعوود العصيمي=
اهل حماس وفتح في ولاية الناس الصهايين=اللي على روسهم ياصاحبي تهدم سكنهـا.
لاتقرب من الحميا وتصير نقطة بين قوسين=ترا رحانـا ليـا درنـاه للحبـه طحنهـا. .
سعود العصيمي19-May-2009, 10:22 PM
ابن مكرز
مرحبا بك
ومسهلا.
علي فلاح العضياني19-May-2009, 10:25 PM
الله الله
صح لسانك يالطيار
و صح لسانك ابو طايل
لله درّكم
سعود العصيمي19-May-2009, 10:26 PM
ارررحب
ارررحب
يابو فلالالاح
وصح بدنك.
سلطان بن دحيم19-May-2009, 10:26 PM
الله الله
صحة السنتكم
ابداع من الطرفين
تحياتي
سعود العصيمي19-May-2009, 10:28 PM
مرحبا
مرحبا
يابن دحيم
صح بدنك يالغالي.
عيد العازمي19-May-2009, 10:42 PM
الله الله
صح لسانك يالطيار
و صح لسانك ابو طايل
لله درّكم
ابداع متجدد
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
