ذكرتك يا مسافر من زمان ولا قدرت انسـاك::"::خذاني شيء من ذكراك ولا ادري وين ودانـي

ذكرتك يا مسافر من زمان ولا قدرت انسـاك =خذاني شيء من ذكراك ولا ادري وين ودانـي

تخيّل كم سنة مرت وانا واقف علـى الشبـاك =وعيني لآخـر الشـارع تودينـي وتنسانـي

تتوه مسافرة بين الوجـوه ونفسهـا تلقـاك =ولا تلقاك وامسح دمعها بسكـات و"القانـي "

وحيد اتخّيّلك جالس تسولف لي على مركـاك =سوالف حب واتخبّى تحت رمشك عن احزانـي

وتضحك والمحك غيمة ويلمع برق بين شفاك =ويستر شعرك الدنيا وينسـى البـرد عنوانـي

واضيع بهمسك وتمطر براءة وارتوي من ماك =واعود من الجفاف احيا وينبت عشب وجدانـي

وتشرق شمس نظراتك على وجه الاماني ذاك =واشع الوان طيف وتنكسر في خـدك الوانـي

ويغرق عطرك الغرفة واشمّه وامسك بيمنـاك =واحلّق في الفضا عصفور طاير وانت باحضاني

ويصرخ هالجدار بكل حرمان السنين "اهواك" =ويرجع بالصدى "عبد الحليم" وتختفـي ثانـي

واناديلك تعال ويطفي الشارع وامـوت هنـاك =ورى الشباك في الظلما على طاريك وحدانـي


الشاعر / سلطان مطلق الغنامي

الله يستر عليك يابو مطلق

شاعر لابد له من ظهور رغم انف الاعلام


الف شكر ياولد غنام


محبك

.,

الطيب منبعك يالجذع انت طيب واصلك طيب