31-Mar-2010, 05:10 PM
بسم الله الرحمن الرحيم
هذه مساجله بين الشاعرين / سطام بن زيد بن مغيرق ..رحمه الله
والشاعر محمد بن هادي القحطاني ..
والمبدأ للشاعر / سطام بن مغيرق ..
هات القلم بختار من زين الامثال =أمثال ابرسلها بأسمه واسميه
من ينكر المعروف ماهوب رجال = وما يفعل المعروف ياكود راعيه
راعيه أبو هادي ولو قال من قال = يشهد له الحاظر بفعل ماضيه
زيزوم وافي للصعيبات حلاّل = يوم ٍ ولد اللاش ما فاد ناخيه
عليك بذل الجاه ياماض الأفعال = والحر هده ما يبا من يوصيه
برقٍ سرى من القبله يشعل اشعال = البرق يبرق والرعد نسمعه فيه
يالله عساه إيسيّل أشعاب وأسهال = حتى النفود اللي ورى الجله يسقيه
وعسوس سيله جابوا الزمل رحال = قبل طلوع الشمس والدرب معطيه
ونهار ثالث عندك البدو نزال = نزال راع الذود يتبع مشاهيه
أيّا الربيع الزين وأيا الأمحال = وراع الحلال يعرف صالح مواشيه
وين العلوم اللي من العام تنقال = أحدٍ يجيب الصدق واحدٍ يخليه
طرشت لك مرسال ورديت مرسال = وراع الذهيب يدور اللي يناديه
اذهيبنا عندك به قياد واعقال = امجودينه يابن هادي بياديه
ان كان جبته حق وللحق تحتال = لمن بوقت الضيق يظهر عزاويه
رد الشاعر / محمد بن هادي القحطاني .. بهذه القصيده
ياراكب اللي فيه طبعه وتمثال = جمسٍ جديدٍ للعصيمي بسرّيه
يمشي طلوع الشمس والفي مامال = والعصر عند اللي بعاد مراميه
ينصاك يابو زيد ياطيب الفال = خطك لفاني .. والولد ويش أسميه ؟!
والله لولا الخوف من بعض الأنذال = هذا يجيب العلم وهذا يوديه
لقول تم وسم والحال بالحال = مالي فخر ياهل الوفا والمشاريه
ولاصرت بين النار والغار والجال = ذاك الهدف ياصاحبي .. كيف ابرميه ؟!
الطير معه طيور دايم على البال = وطويق لو تنصاه طيرك بيعفيه
ياما غدا للحاج دينار وريال = وايشيب ماظني تغرك معانيه
هذه مساجله بين الشاعرين / سطام بن زيد بن مغيرق ..رحمه الله
والشاعر محمد بن هادي القحطاني ..
والمبدأ للشاعر / سطام بن مغيرق ..
هات القلم بختار من زين الامثال =أمثال ابرسلها بأسمه واسميه
من ينكر المعروف ماهوب رجال = وما يفعل المعروف ياكود راعيه
راعيه أبو هادي ولو قال من قال = يشهد له الحاظر بفعل ماضيه
زيزوم وافي للصعيبات حلاّل = يوم ٍ ولد اللاش ما فاد ناخيه
عليك بذل الجاه ياماض الأفعال = والحر هده ما يبا من يوصيه
برقٍ سرى من القبله يشعل اشعال = البرق يبرق والرعد نسمعه فيه
يالله عساه إيسيّل أشعاب وأسهال = حتى النفود اللي ورى الجله يسقيه
وعسوس سيله جابوا الزمل رحال = قبل طلوع الشمس والدرب معطيه
ونهار ثالث عندك البدو نزال = نزال راع الذود يتبع مشاهيه
أيّا الربيع الزين وأيا الأمحال = وراع الحلال يعرف صالح مواشيه
وين العلوم اللي من العام تنقال = أحدٍ يجيب الصدق واحدٍ يخليه
طرشت لك مرسال ورديت مرسال = وراع الذهيب يدور اللي يناديه
اذهيبنا عندك به قياد واعقال = امجودينه يابن هادي بياديه
ان كان جبته حق وللحق تحتال = لمن بوقت الضيق يظهر عزاويه
رد الشاعر / محمد بن هادي القحطاني .. بهذه القصيده
ياراكب اللي فيه طبعه وتمثال = جمسٍ جديدٍ للعصيمي بسرّيه
يمشي طلوع الشمس والفي مامال = والعصر عند اللي بعاد مراميه
ينصاك يابو زيد ياطيب الفال = خطك لفاني .. والولد ويش أسميه ؟!
والله لولا الخوف من بعض الأنذال = هذا يجيب العلم وهذا يوديه
لقول تم وسم والحال بالحال = مالي فخر ياهل الوفا والمشاريه
ولاصرت بين النار والغار والجال = ذاك الهدف ياصاحبي .. كيف ابرميه ؟!
الطير معه طيور دايم على البال = وطويق لو تنصاه طيرك بيعفيه
ياما غدا للحاج دينار وريال = وايشيب ماظني تغرك معانيه
