!!.. إسمع .. إسمع ..!!

السلام عليكم ورحمة الله وبركاته

.. كلمات .. او رساله ..
والقلب مايملكه غير واحد
.. والله المستــعــان ..


!.. إسمع .. إسمع ..!







إسمع إسمع ماعلىَ هاالقلب قاضي =غــيـر واحــد لا تــركنـي ولا تركته


قـلبي اللي تحســبـيـنه قلب فاضي =ما مـلـكــته لو دخـلــته .. ماملكته


قبلهــا عـشـريـن واحـد راح راضي =ومن جرح قلبي جرحته مااحترمته


وكان قصدك بالغلا باالحيل ناضي =الغـــلا والمقدريه ماهـمـلــته


محـتـرمـك وصابر ٍ فوق إمتعاضي =من حـكـي لو قيل من غيرك ذبحته


تغــلط بحـقــي وتعـايرني بماضي = لـو قـدرتـه مـا تـركته .. لو قدرته


سامحـك ربي و لا ابدي اعتراضي =ربي يغـفـر لك خطـاك اللي سردّته


لاكن ابشر غيرها بالقـلب حاضي =ما حضرت بوقــتها يومي عشقته


وسلامتكم .. حسين بن عزام الغنامي

....
صح لسانك يابو عزام
كلمات جميله ومعبره..
لك عليها من الشكر اجزله ..
تحياتي

صح السانك

ابيات طيبه ومعبره

تحياااااااااااااااتي

مرزوق العتيبي


تسعد طيات صفحتي بـ وجودك
وتشرق شمس الانوار بـ نورك



صح بدنك يالغالي ولاهنت على التواجد
شرفني واعتبره وسام على صدري يالامير



تحياتي لك

.. الدلبحي ..




تزهرالازهار .. وينطلق شذى عطرها
وتعمر الارض بالاخضرار ويزين لنا منظرها


صح بدنك يالغالي ولاهنت يالامير
والاطيب هو تواجدك الكريم معي


تحياتي لك

صح لسانك يالغنامي قصيده حلوه ومعبره لك مني كل الاحترام والتقدير وتحياتي لكم.
فيصل المسعودي

قلبي اللي تحسبينه قلـب فاضـي
ما ملكته لو دخلتـه .. ماملكتـه


حسين الغنامي
وتــواجد يبهج الف شكر على هذا الهطول المثقل بالجمال والجزاله
(بس الاحظ انك هجومي شوي:) )
لك تحياتي يا حسين راائع