قصيده في الشيخ الفارس عمر عتيق القبع العازمي العتيبي

قصيده قيلت في الشيخ والفارس المشهور عمر عتيق القبع العازمي العتيبي ( رحمه الله )



’’

,,

’

,

إليكم




يابو جديل ن ما لبس فوقه اوشاح
توه صغير السن يا ويل حالي
طبيب قلب وموس الاهداب جراح
ارفق على خالد وكب الهبالي
لاقام حضي خمه الوقت ثم طاح
وانا كريم ن ما حسبت الريالي
اجود باليمنى ولانيب فضاح
مدت يميني ما درتبه شمالي
يا مرحبا ترحيبه ن طيبها فاح
ترحيبه ن لضيف فأول وتالي
لا صفف أدلاله على النار ثم ساح
بن اليمن والهيل وسط الدلالي
تذهب خوا راس ن من الوقت سواح
بريه ن فنجالها هو دوا لي
اجاوب الورقا بصوتي ليا ناح
وسمع المسحوب ورقا الطوالي
حتى تجي بلسم ولناقد اسلاح
وتقطع غضاريفه بسيف الهلالي
يشدني للقاف والطرس مسباح
في معزلن عن شوفت الناس سالي
بنات فكري طير والمدح ملواح
اهدها والصيد دائم جزالي
ماني من الي يذبح الشعر سفاح
ارهي على الجزله واعيف الهزالي
أمدح طويل الباع ماهمي ارباح
وقلب هماج الماء قراح ن زلالي
دام الدهر ما بين الاحزان وفراح
يستاهل الجزله بعيد المنالي
الآد عاصي مزبنه كل صياح
والقبع إمير القوم لا جاء مجالي
واللي جهل فعله ويبغاله إضاح
عمر عتيق القبع زين الخصالي
بحرن غويط وما يقربه سباح
كن المراجل فوق راسه عقالي
سج القدم للحرب مسرى ومسراح
انشد عنه هذال قبل الزوالي
ولا عتيق الله وبندر وصياح
ولا بليهد كلمه الحق قالي
وانشد عنه راكان ابن عم شلاح
يوم ن جده فالخفاء قد حكالي
يشهد له انه فالميادين ما طاح
قرم ن صميدع منثنى لرجالي
خلا عدوه من على الارض ينزاح
صار الخطأ ذنبه وموته حلالي
عساه في قبره من الخوف مرتاح
ويوم الحساب أليا نسوه الاهالي
شقول شأخلي من الوصف ياصاح
شاب القصيد وضاع معه احتمالي
مثلي سوات اللي بيمناه مصباح
يبا يشوف النور والشمس عالي

الشاعر : خالد الغنامي


"" تحياتي محمد عقاب القبع ""

صح لسااااااااااااانه