مطلوب يابن شلواح
محيّل الثنيه09-Aug-2005, 11:43 PM
ياهل الهيلا نبي شاعرٍ عقله ثقيل
ابن شلواح العتيبي عسى عمره طويل
ودي ابحث لي مواضيع بثبات ودليل
والنصيب يصيب والناس معطى ومحروم
ابتدا القاف والمعنى ثمين ومفيد=والليالي كفانا الله من شرها
يابن شلواح ياعلك بدارك سعيد=تكرم اضيوفها ياذيب وتسرها
ابن شلواح10-Aug-2005, 02:04 AM
الله الله
استلم
ياهلا يامرحبا في دار مكرمت الضيوف
والتحيه واجبه يالقرم في كل الظروف
وان بغت عينك تشوف الدرب وألا لاتشوف
النصيب يصيب والله يدبر مايريد
مرحبابك وانا واقف بسيف ٍ حديد=يامحيل الثنيه سرها سرها
ابن شلواح في داره ولابه جديد=يكرم الضيف وجيو ب العدا طرها
((الدلبحي))10-Aug-2005, 03:24 AM
الله الله
يالربع تشكرون على الابيات الجزله
تحياااااااااااااااااتي
محيّل الثنيه10-Aug-2005, 03:53 AM
شرفت يابن شلواح وابرك الساعات
واستلم لاهنت
البقاء ياشاعرٍ مايخلي موقفه
التحيه سنه الدين واضح واعرفه
وكل رجلٍ دون ماله وربعه وشرفه
والنصيب يصيب والناس معطى ومحروم
كفوا ياللي على الشدات عزمك شديد=احتزم والكتايب يافتى جرها
الرسايل تجيكم عبر ساع البريد=والاشاره يبي يفهم بها حرها
ماجد الهذلي10-Aug-2005, 03:54 AM
فاتتني المحاوره اللي بين مرزوق وبين السيف
لاكن هذي ما تفووت الليل الليل
متاااابع
محيّل الثنيه10-Aug-2005, 03:55 AM
الدلبحي
مرور يزيد المتصفح نور
ووجودك عز يالقرم
محيّل الثنيه10-Aug-2005, 03:58 AM
ماجد يامرحبا
ياعساك سالم وغانم يالنشمي
والله اني احبك فالله
من طيب اخلا قك
ماجد الهذلي10-Aug-2005, 04:22 AM
ماجد يامرحبا
ياعساك سالم وغانم يالنشمي
والله اني احبك فالله
من طيب اخلا قك
أحبك الله الذي أحببتني فيه
وجعل المحبة دايم في منتدى الجميع
فراج القرقاح10-Aug-2005, 06:01 AM
متااااابع بلا شك... وبشغف ....
واصلوووووا لاهنتوا ....
اللطّــام10-Aug-2005, 12:09 PM
شعــــار كبار مافيــــها كلام
على القوّه ياعيــــــــــــال العـــم
متــــــــــــابع بقوّه .
ابن شلواح10-Aug-2005, 12:16 PM
مرحبابك واستلم يالذيب
ماعليكم زود زأنتم صناديد الرجال
ربعي العتبان وقت اللقا مثل الجبال
ماتغير وضعنا لو يدورن الليال
والنصيب يصيب والناس معطا ومحروم
يامحيل الثنيه قل لنا وش تريد=حلو الأيام ما تاتي مثل مرها
يابن عمي لايخلفكم كلام البليد=لا لوا خشته ياصاحبي فرها
ابن شلواح10-Aug-2005, 12:19 PM
الدلبحي
ماجد الهذيلي
الداهيه
اللطام
يامرحبابكم والله وصحة أبدانكم جميعاااااااااا........
محيّل الثنيه10-Aug-2005, 01:33 PM
الحقيقه واضحه مابها شكٍ وريب
كل جرحٍ يالعتيبي تحصله طبيب
والله انه يكتب الخير ويسوق النصيب
والنصيب يصيب والناس معطى ومحروم
اشعل النار زدها بالحطب لاتهيد=خل يضربها الامثال من مرها
النتايج يبينها الكلام الوكيد=والرحاء دايره في وسطها برها
محيّل الثنيه10-Aug-2005, 01:35 PM
الداهيه
مرحبا بك
ووجودك شرف يالنشمي
محيّل الثنيه10-Aug-2005, 01:36 PM
اللطام
هلا والف هلا
ماعليك زود والله يقويك
الايداء110-Aug-2005, 06:51 PM
الله
الله
يالشعار
نورة الصفحه بكم يالثنين واحد خشم واحد عين
ماسكين الصفوووووووووووف
الليل
الليل
ابن شلواح10-Aug-2005, 07:17 PM
الحقيقه واضحه مار ابه ناس ٍ عمي
ماتشوف الدرب لين أني أصلا ميسمي
وان خمشته مايجي نصف لقمه في فمي
والنصيب يصيب والناس معطا ومحروم
نارنا تصتلي من فضل ربي تزيد=وان قربها العدو تصلاه من حرها
كل جندي يخاف ان كان جاه العقيد=مار بعض الجنود اهبالها غرها
أبو محالة10-Aug-2005, 09:13 PM
بن شلواح جبل لايهزه رياح
محيل الثنية ابياته لوحات فنية
تحياتي ابو محاله
محيّل الثنيه10-Aug-2005, 10:59 PM
خل صدرك يارفيقي مع العالم وسيع
وانتبه لاطول الدرب يالوافي تضيع
والعصا للي عصا نضربه حتى يطيع
والنصيب يصيب والناس معطى ومحروم
من معه في بنوك العلم علم ورصيد=اعرف انه يسر القوم ويضرها
ضربتن قاضيه من فوق راس العنيد=وانت شفت المعارك فرها وكرها
محيّل الثنيه10-Aug-2005, 11:02 PM
الايداء
النور بوجودك
يابن العم والله يطول عمرك
ولاهنت يالقرم
محيّل الثنيه10-Aug-2005, 11:06 PM
بن شلواح جبل لايهزه رياح
محيل الثنية ابياته لوحات فنية
تحياتي ابو محاله
ابن شلواح شاعر من الطراز الاوال
لاكن لوحات فنيه
تودي ولا تجيب
مرورك مكسب يالقرم
ابن شلواح11-Aug-2005, 11:42 AM
الله الله
ياطويل العمر ربي يدبر مايريد
مايشدون الدلو غير بالحبل الجويد
فرق الله بين الاحرار وعيال العبيد
والنصيب يصيب والناس معطا ومحروم
من تحيز م لخصمه بالحزام الجويد=ماحسب للصرر واللي بعد صرها
جعل من مات من دون المواقف شهيد=سابح ٍ فالبحور واودايج ٍ برها
أخوي محيل الثنيه اعذرنا على القصور وبيض الله وجهك على هالطاروق والى لقاء اخر
مرزوق حمدان العتيبي11-Aug-2005, 12:15 PM
صحت السنتكم
وبيض الله وجيهكم
هنا الابداع والتميز....
اخوكم..
محيّل الثنيه11-Aug-2005, 01:49 PM
ابن شلواح ماجاء قصور
وبيض الله وجهك
تشرفت باللعب معك
لاهنت
محيّل الثنيه11-Aug-2005, 01:50 PM
مرزوق
صح بدنك
وشهادة نعتز فيها
لاهنت يامشرفنا الغالي
