مستور العصيمي والسناني!!!!!!!!!!!!!!!!!!!

بسم الله الرحمن الرحيم

السلام عليكم ورحمة الله وبركاته وبعد

هذه المحاوره جرت بين الشاعرين مستور العصيمي

ومحمد السناني في مدينة ينبع بحضور الشاعر

حبيب العازمي





السناني
يالليل ياللي جاب مستور بن عمه= والكل منهم يدحم القوم بالثاني
والعود مايحتاج همٍ على همه=وش طولها درب العنى يالعربياني



مستور
مستورحاول وإنتبه لاتجي يمه= وأنا وبن عمي على الدهر عواني
شاعر جهينه ياعرب حللوا دمه=يقلون دمه دم مسلم ونصراني



السناني
يامطول الرحله من القاع للقمه=قدامكم رجال معروف وسناني
شاعر جهينه لويدخلك بالذمه=تحلف وتقسم ماتراجع عن الفاني



مستور
الشاعر اللي يخطي العلم ويخمه=20كيلو ماترجح بميزاني
ياصاحبي خل المعاني على اليمه=ماياصل المكتوب من غير عنواني



السناني
إضحك يالين الداب يلدغك في سمه= لن ماتجرعت الندم بقطع لساني
كثرت في العمان والخال والعمه=واليوم دورني ولا عاد تلقاني



مستور
ياوالد المولود سم الولد سمه=هذي خطيه جاتني منك بالعاني
تمهلك الأيام وتجيبلك مطمه=ولاتسوي مثل طيربن برماني



السناني
ياوالد الشعار كلفت بمهمه=عساك في كرسيك مانته بزعلاني
ان كان راح الوقت مازالت الغمه=ماطالعٍ من بعد راكان راكاني



مستور
هثرك تشيل الخير والشر دردمه=وتقول أنا حصلت خاتم سليماني
ماعاد إلك مدخال في مجلس الأمه=ماحقك الا بيت من غير بيباني



السناني
هثرك لياشفت الخطر تلتفت يمه=وتقول جتني واجبي ماتعداني
تفرق المجلس براحتك وتلمه=وماهي غريبه لوخويي تناساني



مستور
ياعمدة الحاره ويامكبر العمه=إظهر من الميدان تراه ميداني




وسلااااامتكم اخوكم سيف العدل

....
..

.

ياصاحبي خل المعاني على اليمه=ماياصل المكتوب من غير عنواني

ان قلت حكمه وان قلت نقض ولا اروع ..

صدق اللي قال مافيه غير الداهيه مستور ..
..
الف شكر لك على حسن انتقاءك
ياسيف العدل ..

سيف العدل

الله يعطيك العافيه
ومشكور ياغالي

ياسيف العدل ..

مشكور على المحاوره ارئعه

ونحن في انتظار جديدك ياغالي

سيف بيض الله وجهك


وما ازيد فوق مازاد شاعرنا مرزوق